Посетители
- Количество просмотров материалов
- 4613095
Контакты
Майстар-клас “Структура і прызначэнне адзінага інфармацыйна-адукацыйнага рэсурсу, агульныя падыходы да выкарыстання навучальных модулей па беларускай мове і беларускай літаратуры”
- Подробности
- Просмотров: 0
12 лютага 2021 года студэнты групы БФ-31 пад кіраўніцтвам дацэнта кафедры беларускай мовы З.У. Шведавай, а таксама дэкан факультэта А.М. Палуян і выкладчыкі-метадысты д.ф.н. праф. В.А. Ляшчынская і к.ф.н. дац. А.В. Брадзіхіна паўдзельнічалі ў майстар-класе “Структура і прызначэнне адзінага інфармацыйна-адукацыйнага рэсурсу, агульныя падыходы да выкарыстання навучальных модулей па беларускай мове і беларускай літаратуры”, праведзеным настаўнікам-метадыстам беларускай мовы і літаратуры ДУА «Сярэдняя школа № 6 г. Рагачова» Бедняковай Ірынай Валянцінаўнай. Майстар-клас праходзіў у рамках XІІІ Міжнароднай навукова-метадычнай канферэнцыі «Сучасная адукацыя: пераемнасць і неперарыўнасць адукацыйнай сістэмы «ШКОЛА – УНІВЕРСІТЭТ – ПРАДПРЫЕМСТВА», арганізаванай ГДУ імя Ф.Скарыны.
Майстар-клас даў магчымасць нашым студэнтам – будучым настаўнікам – даведацца аб працы адзінага інфармацыйна-адукацыйнага рэсурсу, якая пачалася з 1 студзеня 2021 года, пазнаёміцца з яго структурай і магчымасцямі. На рэсурсе размешчаны камплекты вучэбна-метадычных матэрыялаў па ўсіх вучэбных прадметах, якія ўключаюць відэафрагменты з тлумачэннем вучэбнага матэрыялу і тэставыя заданні для самаправеркі ведаў і ўменняў. Бібліятэка вучэбных матэрыялаў структуравана па вучэбных прадметах, класах, тэмах вучэбнай праграмы па прадмеце і будзе паступова папаўняцца новымі матэрыяламі.
Настаўнік-метадыст І.В. Беднякова паказала, як карыстацца адзіным інфармацыйна-адукацыйным рэсурсам, запрасіла да супрацоўніцтва.
Дзякуем арганізатарам канферэнцыі за запрашэнне такіх цудоўных настаўнікаў-метадыстаў і непасрэдна Ірыне Валянцінаўне за слушную і карысную інфармацыю, якая дапаможа нашым студэнтам больш якасна рыхтаваць канспекты ўрокаў па беларускай мове і літаратуры, а ў будучым праводзіць гэтыя ўрокі з магчымасцю выкарыстання разнастайных форм працы.
Прафарыентацыя вучняў сярэдніх школ
- Подробности
- Просмотров: 579
10.02.2021 адбылася прафарыентацыйная сустрэча прадстаўнікоў філалагічнага факультэта ў асобах адказнага на факультэце за прафарыентацыйную работу З.У.Шведавай і студэнткі 3 курса спец. “Беларуская філалогія” Аляксандры Дрывайла з вучнямі 10-х класаў ДУА “Сярэдняя школа № 66 г.Гомеля”, ДУА “Сярэдняя школа № 74 г.Гомеля” і Гомельскага гарадскога ліцэя № 1 на базе УА “Гомельскі дзяржаўны цэнтр № 2 дапрызыўнай падрыхтоўкі”.
Флешмоб да 100-годдзя І.П.Шамякіна
- Подробности
- Просмотров: 601
Студэнты 2 курса завочнай формы навучання спецыяльнасці "Беларуская філалогія" з ініцыятывы дацэнта кафедры беларускай мовы Хазанавай К.Л. далучыліся да флешмобу студэнтаў і выкладчыкаў Мазырскага педагагічнага ўніверсітэта імя І.П.Шамякіна - віншавальнай акцыі да 100-годдзя з дня нараджэння народнага пісьменніка Беларусі, нашага земляка Івана Пятровіча Шамякіна.
Ведаем сваіх землякоў!!!
- Подробности
- Просмотров: 657
1-2 лютага 2021 года студэнты групы БФ-31 паўдзельнічалі ў анлайн-квэсце “Сыны свайго часу”, прысвечаным 100-годдзю з дня нараджэння І.П. Шамякіна і І.П. Мележа, які праводзіла Маладзечанская цэнтральная раённая бібліятэка імя Максіма Багдановіча.
Новыя кнігі
- Подробности
- Просмотров: 769
Кафедра беларускай мовы ганарыцца новымі навуковымі выданнямі, падрыхтаванымі выкладчыкамі.
Доктар філалагічных навук прафесар прафесар кафедры беларускай мовы Вольга Аляксееўна Ляшчынская прапанавала навуковай філалагічнай аўдыторыі сваю новую манаграфію:
Ляшчынская В.А. Два фрагменты фразеалагічнай карціны свету беларусаў / В.А. Ляшчынская. – Мінск: РІВШ, 2020. – 230 с.
У сааўтарстве з дацэнтам кафедры беларускай мовы кандыдатам філалагічных навук Шведавай Зояй Уладзіміраўнай Вольга Аляксееўна падрыхтавала фразеалагічны слоўнік:
Ляшчынская В.А., Шведава З.У. Вобраз чалавека ў беларускай фразеалогіі: cлоўнік. – Мінск: РІВШ, 2020. – 304 с.
Абодва выданні з'явіліся вынікам вялікай навуковай дзейнасці па даследаванні беларускай фразеалогіі. манагарфія і слоўнік прызначаюцца студэнтам, магістрантам, аспірантам, што вывучаюць славянскую філалогію, а таксама ўсім цікаўным фразеалогіяй славянскіх моў.
Еще статьи...
- «Восеньская віктарына»
- Выніковы этап гомельскай абласной навукова-практычнай канферэнцыі вучняў “Пошук”
- Лекцыя «Сучасні підходи до організації освітнього процесу в інформаційному просторі: українська мова та інфомедійна грамотність»
- Міжнародная навуковая канферэнцыя “Фразеалогія ў кантэксце сумежных навук”
Полезные ссылки
