Главная

Вы здесь: Главная

Посетители

Количество просмотров материалов: 4743400

Наши партнеры

Летняя школа

СЛОВАРИ ДЛЯ ВАС

НАША РЕКЛАМА

БУКЛЕТ ФАКУЛЬТЕТА

Это интересно знать!

Контакты

246019, г. Гомель, ул. Советская, д. 108

На філалагічным факультэце падведзены вынікі Летняй школы беларускай мовы і культуры

14 чэрвеня на філалагічным факультэце ГДУ імя Ф. Скарыны былі падведзены вынікі Міжнароднага адукацыйнага праекта «Летняя школа беларускай мовы і культуры». Удзельнікамі праекта сталі студэнты і выкладчыкі філалагічнага факультэта Маскоўскага дзяржаўнага ўніверсітэта імя М. В. Ламаносава.

Праграма школы ўключала практычныя заняткі па фанетыцы і граматыцы беларускай мовы, лекцыі ад прафесараў В. А. Ляшчынскай, А. М. Мельнікавай, І. Ф. Штэйнера.

Культурная праграма была накіравана на развіццё маўленчых навыкаў праз знаёмства з гісторыяй і культурай нашай краіны.

Удзельнікі Летняй школы беларускай мовы і культуры наведалі з экскурсіяй палац Булгакаў у Жылічах і сядзібу Козел-Паклеўскіх ў Чырвоным Беразе. Палац у Жылічах уразіў веліччу архітэктурнага рашэння, багаццем дэкору, вытанчанасцю аздаблення

Сядзіба Козел-Паклеўскіх – нібы замак з дзіцячых казак. Разнастайнасць гістарычных стыляў (ад готыкі да барока) у інтэр'ерах, арабскія матывы, маляўнічы парк – усё гэта спадабалася гасцям з Масквы.

Мемарыяльны комплекс «Дзецям – ахвярам вайны» не пакінуў нікога абыякавым. Тут гісторыя гаворыць галасамі самых безабаронных, прымушаючы задумацца пра каштоўнасць жыцця!

Экскурсія ў Гомельскую абласную ўніверсальную бібліятэку імя У.І. Леніна

14 чэрвеня ўдзельнікі Летняй школы беларускай мовы і літаратуры разам са старшым выкладчыкам Дробышэўскай Людмілай наведалі Музей рэдкай кнігі, Літаратурны музей пісьменнікаў Гомельшчыны і Мемарыяльны зал народнага пісьменніка БССР Андрэя Макаёнка.
У Музеі рэдкай кнігі ім паказалі прыватную калекцыю кніг князёў Паскевічаў, а таксама ўдзельнікі экскурсіі пазнаёміліся з экспазіцыяй рэдкіх і мінімалістычных выданняў і самой маленькай кнігай, надрукаванай друкарскім спосабам.
Выказваем падзяку супрацоўнікам бібліятэкі за такую пазнавальную і цікаву экскурсію.

Не музеем адзіным жыве Ветка!

Для ўдзельнікаў Міжнароднага адукацыйнага праекта "Летняя школа беларускай мовы і культуры" было арганізавана знаёмства з прасторай Арт-Ветка.

Гаспадар прасторы Пятро Цалка (дарэчы, выпускнік філалагічнага факультэта нашага ўніверсітэта ) сустрэў нас смачным абедам з традыцыйных беларускіх страў! А потым правёў майстар-клас "Неглюбскі строй " На заканчэнне ўсіх пачаставалі гарбатай з беларускіх зёлак і пернікамі, выпечанымі па старажытным веткаўскім рэцэпце!

Запаведнік старажытных ікон і ручнога ткацтва!

Удзельнікі Летняй школы беларускай мовы і культуры наведалі Веткаўскі музей стараабрадніцтва і традыцыйнай беларускай культуры.
У час экскурсіі пазнаёміліся з гісторыяй узнікнення Веткі, традыцыямі мясцовага іканапісу і ручнога ткацтва , убачылі цудоўна дэкараваныя рукапісы і нават спрабавалі прачытаць рукапісныя тэксты на ідыш.