Пра Ф. Скарыну – на тэлебачанні!

Подробности

Просмотров: 979

24 лістапада студэнты філалагічнага факультэта прынялі ўдзел у запісе тэлевізійнай праграмы “Главная тема”, прысвечанай спадчыне Францыска Скарыны. Адным з экспертаў праграмы выступіў загадчык кафедры беларускай літаратуры, прафесар, доктар філалагічных навук Іван Штэйнер. Праграма атрымалася надзвычай цікавая і змястоўная. Студэнты-гледачы задавалі цікавыя пытанні, кампетэнтныя эксперты сцвярджалі малавядомыя факты, разважалі над “белымі плямамі” ў біяграфіі славутага першадрукара. Студэнты атрымалі рэальны практычны вопыт у здымачным працэсе тэлевізійнай праграмы. 

Подробнее: Пра Ф. Скарыну – на тэлебачанні!

Праграма “Маладое пакаленне”

Подробности

Просмотров: 1030

6 – 10 лістапада 2017 года прадстаўнікі філалагічнага факультэта Гомельскага дзяржаўнага ўніверсітэта імя Ф. Скарыны наведалі г. Маскву і Уладзімір у межах праграмы “Маладое пакаленне”, арганізаванай прадстаўніцтвам Рассупрацоўніцтва ў Рэспубліцы Беларусь – Расійскім цэнтрам навукі і культуры ў Гомелі. Падарожжа аказалася надзвычай інфарматыўным і запамінальным для выкладчыкаў кафедры беларускай літаратуры к.ф.н. М. У. Аммон і І. А. Бажок, аспірантаў кафедр рускай і сусветнай літаратуры В.В. Ганчарова, рускага, сусветнага і славянскага мовазнаўства Ю.С. Іванчыкавай. Удзельнікі мерапрыемства наведалі галоўны будынак Маскоўскага дзяржаўнага ўніверсітэта, Чырвоную плошчу і Крамлёўскі палац, Вараб’ёвы горы, маскоўскі тэатр Новая Опера імя Я. У. Колабава ў межах спектакля “Багема”, пазнаёміліся з асноўнымі помнікамі хрысціянства ў г. Уладзіміры, сустрэліся з прадстаўнікамі Рассупрацоўніцтва ў галоўным офісе кампаніі. Варта заўважыць, што дэлегаты ГДУ здолелі выйсці далёка за межы першапачатковай мэты візіту, не толькі ўзбагаціўшы свае ўяўленні аб грамадска-палітычным, сацыяльна-эканамічным, навукова-адукацыйным і культурным жыцці Расіі, але і істотна пашырыўшы міжнародныя знаёмствы факультэта з маладымі філолагамі і педагогамі з Абхазіі, Арменіі, Батсваны, В’етнама, Германіі, Малдовы, Польшчы, Шры-Ланкі, Паўднёвай Асеціі і іншых краін.

Подробнее: Праграма “Маладое пакаленне”

Віртуальнае падарожжа па мясцінах Я. Коласа

Подробности

Просмотров: 926

08.11.2017 дацэнт кафедры беларускай літаратуры Фіцнер Т.А. са студэнтамі 3 курса філалагічнага факультэта (БФ-31) правяла віртуальнае падарожжа па мясцінах Я. Коласа: “Дзяржаўны літаратурна-мемарыяльны музей Якуба Коласа” ў Мінску, філіял музея – мемарыяльны комплекс “Мікалаеўшчына” (уключае ў сябе чатыры сядзібы: Акінчыцы, Альбуць, Ласток, Смольня). Пасля прагляду было праведзена абмеркаванне відэаматэрыялаў.

135 год са дня нараджэння класіка беларускай літаратуры Якуба Коласа

Подробности

Просмотров: 934

3 лістапада – 135 год са дня нараджэння класіка беларускай літаратуры Якуба Коласа (Канстанціна Міцкевіча).

У творчасці Якуба Коласа стагоддзя знайшлі ўвасабленне найбольш важныя, сутнасныя праяўленні нацыянальнага жыцця ва ўсёй яго паўнаце і шматстайнасці, усебакова адлюстравана спецыфіка нацыянальнага стылю жыцця, створаны мастацкі аўтавобраз Беларусі.

Творам, дзе ўвасоблены Космас нацыянальнага быцця, побыт і светапогляд беларуса, выяўлены адметнасці нацыянальнага характару, стала паэма «Новая зямля» Якуба Коласа, якую Ул. Конан назваў «эстэтычнай экзістэнцыяй беларуса».

З нагоды нараджэння Якуба Коласа на філалагічным факультэце праведзены шэраг мерапрыемстваў. Так, студэнты 4 курса спецыяльнасці “Беларуская філалогія” правялі дыскусію “Космас Коласа”, студэнты 2 курса чыталі любімыя вершы паэта.

На працягу тыдня запланаваны іншыя мерапрыемствы.