Навіны кафедры

Вы здесь: Главная

Гісторыя пад знакам Ката

Подробности: Просмотров: 1864

Любая больш-менш важная падзея для гісторыі мае сваю вагу ў выглядзе дат, імёнаў, малюнкаў, тэкстаў, шыфраў, пароляў, кодаў і г.д. Як удзельнікі і галоўныя ініцыятары з’яўлення на свет кожнай з такіх падзей, мы маем асаблівую сувязь з імі, вядомую толькі нам самім.

Пра якую сувязь я збіраюся распавесці вам у артыкуле з такой дзіўнай назвай? Пра гэта вядома аднаму Богу ды хіба што яшчэ прафесару Івану Фёдаравічу Штэйнеру – загадчыку кафедры беларускай літаратуры, які некалькі дзён таму ў памяшканні чытальнай залі бібліятэкі ГДУ прэзентаваў сваю кнігу “Кот-ваявода”. Падзея гэта вартая ўвагі хаця б таму, што прайшла яна ў незвычайны дзень – пятніцу трынаццатага. Ды і сам прафесар – асоба незвычайная. Хто бываў на кафедры і бачыў там ката, які стаіць на стале пасярод памяшкання, пацвердзіць гэта. Сярод студэнтаў-філолагаў ходзіць думка, што ён вельмі падобны да Івана Фёдаравіча, амаль адзін у адзін. Супадзенне? Не думаю!

Але я крыху адхілілася ад тэмы. Прэзентацыя, між іншым, прайшла пры поўным аншлагу, сам прыгажун-прафесар у вышыванай сарочцы ззяў, як майская зорка на небе, а пахвалам “Кату-ваяводзе” не было межаў. Са словамі падзякі за неардынарную творчасць выступілі дэкан біялагічнага факультэта прафесар Віктар Сяргеевіч Аверын, рэжысёр Гомельскага абласнога драматычнага тэатра Багдан Арлоўскі, паэт Сяргей Краснабарод, выкладчыца кафедры рускай і сусветнай літаратуры Наталля Уладзіміраўна Суслава.

І нават падарункі прафесару Штэйнеру дастаюцца незвычайныя: у сваёй прамове ён мімаходам узгадаў згублены ім Parker (прафесары заўсёды такія летуценныя!), а сябры творцы па грэка-рымскай барацьбе пасля палымянай оды ў гонар спартсменаў і лірыкаў падарылі яму футбольны мяч, які Іван Фёдаравіч тут жа пусціў у ход – “не адыходзячы ад касы”.

Не ведаю, ці казаў хто-небудзь прафесару, што ён заўзяты постмадэрніст, але нават гэтая рыса яго творчай манеры, на мой погляд, пацвярджае незвычайнасць асобы аўтара. Як было агучана падчас прэзентацыі, кніга “Кот-ваявода” напісана на трох мовах: беларускай, рускай і лацінскай (чытаць можна каму на якой зручней) – і гэта не ўлічваючы англамоўныя словы і выразы, раскіданыя па ўсёй кнізе ў хаатычным парадку. Сюды яшчэ можна дадаць безліч рэмінісцэнцый і цытат з творчасці розных знакамітых пісьменнікаў і філосафаў (Эразм Ратэрдамскі, Плутарх, Францыск Скарына, Вальтэр, Ян Баршчэўскі, Кандрат Крапіва і г.д.). Памножце ўсё гэта на зварот да фальклорнай спадчыны беларусаў, сакавітую народную мову і вы атрымаеце жорсткі постмадэрнісцкі “замес” філасофіі і поп-культуры: хочаце чытайце байку, хочаце – філасофствуйце – каму што больш падабаецца.

А я тым часам чакаю ўжо агучаных Іванам Фёдаравічам новых кніг у колькасці шэсць штук, якія ён, як сапраўдны творца ХХІ стагоддзя, піша адначасова.

P. S. А на вокладку кнігі ўсё-ткі трэба было пасадзіць калі не самога Штэйнера, дык хаця б пузатага ката з кафедры беларускай літаратуры. Так было б больш каларытна.

Крысціна Бандурына

Подробнее: Гісторыя пад знакам Ката

Сустрэча з вядомым беларускім паэтам-авангардыстам Віктарам Жыбулям

Подробности: Просмотров: 1566

28-га кастрычніка да філолагаў завітаў вядомы беларускі паэт-авангардыст Віктар Жыбуль. Сустрэча доўжылася паўтары гадзіны і мела ўсе шанцы працягнуцца больш, каб не ліміт часу. Выступ спадара В. Жыбуля насамрэч быў вельмі яркім, насычаным, жывым і нязмушаным, а сам творца здзівіў і захапіў аўдыторыю неверагодным артыстызмам і адсутнасцю банальнасцяў пры выкананні ўласных вершаў, што дзіўным чынам спалучылася са сціплай манерай адказваць на пытанні. Якіх, дарэчы, было сапраўды шмат, прычым іх тэматычны дыяпазон вагаўся ад простага “Ці ёсць у Вас вершы, прысвечаныя дзецям?” да дзёрзкага “Ці пагадзіліся б Вы быць тамадой?”

Сам паэт пасля сустрэчы прызнаўся, што яму спадабалася зацікаўленасць прысутных і быў удзячны за запрашэнне.

Встреча с известной выпускницей

Подробности: Просмотров: 1094

20 мая в 14.00 в читальном зале ГГУ им. Ф. Скорины в рамках празднования 85-летия университета состоялась встреча с выпускницей нашей Alma Mater Голубевой Н. А.

Голубева Наталья Александровна - известный белорусский писатель, сценарист. Кандидат исторических наук, более двадцати пяти лет находилась на государственной службе, в том числе на дипломатической. На протяжении длительного периода работала в Аппарате Совета Министров Республики Беларусь в должности заместителя начальника управления социально-культурной сферы. В настоящее время занимается литературной и научной деятельностью.

Віншуем пераможцаў алімпіяды!

Подробности: Просмотров: 1092

Віншуем пераможцаў алімпіяды

па беларускай літаратуры!

1 курс

І месца: Дакукін А.

ІІ месца:Бялко А.

ІІІ месца:Плахатнюк Г.

2 курс

І месца: Шукаловіч А.

ІІ месца:Целепнёва А., Сазонаў А.

3 курс

І месца: Бандурына К.

ІІ месца: Анцімонік А.

ІІІ месца: Ананенка В.

4 курс

І месца: Лёгенькая К.

ІІ месца: Манько К.

ІІІ месца: Выступава С.

Сустрэча з рэдактарамi

Подробности: Просмотров: 1088

29 кастрычніка на філалагічным факультэце адбылася сустрэча студэнтаў і выкладчыкаў з супрацоўнікамі рэдакцыйна-выдавецкай установы “Звязда”. З творчым дэсантам у Гомель завіталі: галоўны рэдактар часопіса “Маладосць” Святлана Дзянісава, рэдактар аддзела прозы часопіса “Нёман” Алег Ждан, супрацоўнік газеты “Літаратура і мастацтва” Марыя Войцік, уласны карэспандэнт газеты “Звязда” па Гомельскай вобласці Ірына Асташкевіч.

Святлана Дзянісава расказала прысутным пра гісторыю часопіса “Маладосць”, які нядаўна адзначыў 60-годдзе, запрасіла маладых аўтараў да супрацоўніцтва. Дарэчы, дзевяты нумар часопіса за гэты год быў прысвечаны Гомельшчыне, аўтарамі гэтага нумара сталі студэнты і нядаўнія выпускнікі філалагічнага факультэта нашага ўніверсітэта. Прысутным быў прадстаўлены пілотны нумар адноўленага часопіса “Бярозка”.

Алег Ждан, які з’яўляецца вядомым празаікам, займальна распавёў пра свой няпросты творчы шлях, пазнаёміў слухачоў з канцэпцыяй і планамі часопіса “Нёман”, які выходзіць на рускай мове.

Марыя Войцік расказала пра газету “Літаратура і мастацтва”, у якой часта публікаюцца матэрыялы выкладчыкаў і студэнтаў ГДУ.

Ірына Асташкевіч у інтэрактыўнай форме азнаёміла прысутных з гісторыяй і планамі газеты “Звязда”. Самыя актыўныя ўдзельнікі сустрэчы атрымалі сувеніры з лагатыпам газеты.

Госці наведалі літаратурны музей, які створаны пры кафедры беларускай літаратуры.