Прафарыентацыйная работа

Подробности

Просмотров: 166

28 сакавіка па ініцыятыве кафедры беларускай літаратуры на базе філіяла кафедры ў Гомельскім дзяржаўным педагагічным каледжы імя Л. Выгоцкага была праведзена прафарыентацыйная гутарка. Навучэнцы каледжа былі праінфарманы пра спецыяльнасці, падрыхтоўка на якіх ажыццяўляецца на філалагічным факультэце ў Гомельскім дзяржаўным універсітэце імя Ф. Скарыны, правілы прыёму ў ВНУ, пра тыя ільготы, якія маюць выпускнікі педагагічных каледжаў, а таксама медалісты. 

Навучэнцы былі  азнаёмлены з гісторыяй Гомельскага ўніверсітэта імя Ф. Скарыны, высокім статусам нашай навучальнай установы.

 Навучэнцы каледжа цікавіліся спецыфікай вучобы на філалагічным факультэце, правіламі прыёмы на скарочаную форму навучання, тым, у якіх прафесіях яны могуць сябе рэалізаваць, абраўшы філалагічны факультэт.

Была прадэманстравана цікавая прэзентацыя, а таксама ролік, зняты студэнтамі нашага факультэта пра спецыфіку вучобы на факультэце. Будзем спадзявацца, што ў верасні пабачым навучэнцаў каледжа сярод нашых студэнтаў.

Адкрыццё выставы «Беларускія маляванкі»

Подробности

Просмотров: 207

 Студэнты групы БФ-31 і магістранты 1 курса з выкладчыкамі кафедры беларускай літаратуры Штэйнерам  І.Ф. і Фіцнер Т.А. прынялі ўдзел у адкрыцці выставы «Беларускія маляванкі», якое адбылося 22.02.2023 у ДУ «Карцінная галерэя Г.Х. Вашчанкі».

На выставе былі прадстаўлены маляваныя дываны Алены Кіш і Язэпа Драздовіча; дэманстраваліся фільмы пра іх лёс і творчасць. Іван Фёдаравіч даў інтэрв'ю абласному тэлебачанню. Студэнты прынялі ўдзел у інтэрактыўных гульнях, што ладзіліся супрацоўнікамі галерэі пры ўдзеле прадстаўнікоў Веткаўскага музея.

Самыя важныя словы

Подробности

Просмотров: 213

21 лютага кафедра беларускай  літаратуры правяла флэшмоб “Маё любімае беларускае слова”, прымеркаваны да Міжнароднага дня роднай мовы, абвешчанага UNESCO 17 лістапада 1999 года.

Сярод прапанаваных студэнтамі трэцяга курса слоў былі шпацыр, мілагучнасць, верагодна, летуценне, рахунак, бульба, колькасна перавагу атрымала каханне.

Урэшце, найважнейшымі для сябе словамі будучыя філолагі ў выніку абралі міласэрнасць, мару і маці.

ВІНШУЕМ!

Подробности

Просмотров: 209

Віншуем Дзі Хе Хе са званнем лаўрэата Скарынаўскіх чытанняў