Свята “Каляды”

30 лістапада 2016 г. студэнты групы БІ-21 біялагічнага факультэта (пад кіраўніцтвам д.ф.н., прафесара В.С. Новак) выступілі ў Славянскай бібліятэцы са сцэнізацыяй свята “Каляды”. Гледачы пазнаёміліся з тым, як беларусы святвавалі Першую куццю, як калядавалі, “вадзілі казу (мядзведзя)”, варажылі, гулялі ў калядныя гульні і танцавалі. Вядучыя пазнаёмілі гледачоў з рэгіянальна-лакальнымі асаблівасцямі калядна-навагодніх святкаванняў у розных раёнах Гомельскай вобласці. Асобныя фрагменты студэнцкай сцэнізацыі дапаўняліся змястоўнымі каментарыямі В.С. Новак пра абрады зімовага цыкла земляробчага календара беларусаў.