Метадычная работа

Вы здесь: Главная

Метадычная работа

Кафедры

Кафедра белорусского языка

Да прафесійнага свята!

Подробности: Просмотров: 324

Традыцыйна ў першую нядзелю кастрычніка ў нашай краіне адзначаюць сваё прафесійнае свята прадстаўнікі сферы адукацыі. Мы ўсе праходзім свае ўніверсітэты, і на жыццёвым шляху кожнага сустракаюцца такія настаўнікі, якіх мы і клічам Настаўнікамі з вялікай літары, на якіх мы раўняемся, мудрыя парады якіх слухаем.

Усім выкладчыкам у гэта прафесійнае свята хочацца пажадаць у першую чаргу здароўя, бо менавіта гэты рэсурс можа апынуцца вычарпальным у настаўніка. Натхненне ж, энтузіязм, задавальненне ад працы - усе гэтыя рэсурсы ў сапраўдных настаўнікаў невычарпальныя. Жадаем празмернага цярпення, штодзённага натхнення, арыгінальных задумак у навучанні, шчырасці, пазітыўнага настрою, добрых студэнтаў. Хай праца ўзнагароджвае толькі каласальным задавальненнем!

Урачысты сход, прысвечаны Дню настаўніка, прайшоў 30 верасня ў Мінску ў Палацы Рэспублікі. У якасці запрошаных ад філалагічнага факультэта нашага ўніверсітэта былі д.ф.н. прафесар В.А. Ляшчынская, к.ф.н. дацэнты Л.В. Паплаўная і З.У. Шведава.

На ўрачыстым канцэрце, прысвечаным Дню настаўніка, прагучала віншаванне кіраўніка дзяржавы, якое зачытаў прэм’ер-міністр Раман Галоўчанка, адзначыўшы значнасць гэтага свята. Канцэрт нікога не пакінуў абыякавым. Усе гледачы атрымалі станоўчыя эмоцыі і зарадзіліся добрым настроем.

Лепшых прадстаўнікоў гэтай прафесіі, сярод якіх былі і тры лепшыя прадстаўнікі нашага ўніверсітэта – прафесар кафедры беларускай мовы В.А. Ляшчынская, прафесар кафедры тэорыі і методыкі фізічнай культуры Г.І. Нарскін і дацэнт кафедры тэарэтычнай фізікі В.М. Капшай, віншаваў і ўручаў узнагароды прэм’ер-міністр нашай краіны Раман Галоўчанка.

Вольга Аляксееўна Ляшчынская – сапраўдны Настаўнік з вялікай літары – заслужана ўзнагароджана медалём “За працоўныя заслугі”. У гэтым годзе спаўняецца 50 гадоў, як беларуская навука займела верную і ўдзячную дачку, якая ўвесь гэты час клапатліва працавала ў імя сваёй маці, спрыяла развіццю і дабрабыту айчыннай філалогіі! Спецыяліст у галіне словаўтварэння, вядомы лексіколаг і майстар слоўнікавай справы, тэарэтык і практык беларускай фразеалогіі і фразеаграфіі, эксперт па пытаннях культуры мовы і стылістыкі, даследчык лінгвакультуралогіі і лінгвадыдактыкі – гэта не армія мовазнаўцаў, а грані навуковага таленту аднаго чалавека, грані, якімі ВольгаАляксееўна заззяла ў святле беларускай лінгвістыкі. Вольгу Аляксееўну добра ведаюць ва ўсёй Беларусі і за яе межамі як выдатнага метадыста, аўтара больш за 450 публікацый, з якіх толькі 8 манаграфій, шматлікія вучэбныя дапаможнікі і інш. Гэта абаяльная, элегантная жанчына, добрая і клапатлівая маці і бабуля, добразычлівы і цікавы выкладчык...

Ад усёй душы калектыў выкладчыкаў і студэнтаў філалагічнага факультэта віншуе Вольгу Аляксееўну з заслужанай узнагародай, ганарыцца яе дасягненнямі і жадае ёй моцнага здароўя, творчага натхнення і як мага больш светлага і радаснага ў жыцці!

Прафарыентацыя школьнікаў

Подробности: Просмотров: 378

22.09.2021 адбылася прафарыентацыйная сустрэча прадстаўнікоў філалагічнага факультэта ў асобах адказнага на факультэце за прафарыентацыйную работу З.У. Шведавай і студэнткі 3 курса спец. “Беларуская філалогія” Таццяны Піменёнкавай з вучнямі 11-х класаў ДУА “Гімназія №10 г.Гомеля” і ДУА “Гімназія №36 г.Гомеля імя І.П. Мележа” на базе УА “Гомельскі дзяржаўны цэнтр № 2 дапрызыўнай падрыхтоўкі”.

Вучням была прадстаўлена прэзентацыя ўніверсітэта ў цэлым і філалагічнага факультэта ў прыватнасці, буклеты факультэтаў. Школьнікі цікавіліся спецыяльнасцямі розных факультэтаў, прахаднымі баламі, умовамі паступлення, студэнцкім жыццём.

На завяршэнне сустрэчы з вучнямі правялі займальную віктарыну “Ці ведаеш ты слова”, у якой яны прынялі актыўны ўдзел.

Прафарыентацыйная сустрэча прадстаўнікоў філалагічнага факультэта

Подробности: Просмотров: 358

Подробнее: Прафарыентацыйная сустрэча прадстаўнікоў філалагічнага факультэта

Віншуем

Подробности: Просмотров: 362

Указам Прэзідэнта Рэспубліка Беларусь № 334 ад 10 верасня 2021 г. за шматгадовую плённую працу, высокі прафесіяналізм, высокія дасягненні ў сферы навукі, заслугі ў навучанні і выхаванні падрастаючага пакалення прафесар кафедры беларускай мовы ўстановы адукацыі "Гомельскі дзяржаўны ўніверсітэт імя Ф.Скарыны" Вольга Аляксееўна Ляшчынская ўзнагароджана медалём "За працоўныя заслугі".

Шчыра віншуем з заслужанай узнагародай!!!!

Абмеркаванне кандыдацкай дысертацыі

Подробности: Просмотров: 517

IMG-5ee1eb355a255ef86b126fa0639ed810-V

25.05.2021 адбылося пасяджэнне пашыранага навукова-метадычнага семінара кафедры беларускай мовы па абмеркаванні дысертацыйнага даследавання Слівец Вольгі Рыгораўны “Анамастычная прастора беларускай мастацка-біяграфічнай прозы другой паловы ХХ – пачатку ХХІ стагоддзя”, прадстаўленага на атрыманне вучонай ступені кандыдата філалагічных навук па спецыяльнасці 10.02.01 – беларуская мова.

Саіскальнік вучонай ступені В.Р. Слівец выступіла з дакладам па тэме дысертацыі, дала аргументаваныя адказы на ўсе зададзеныя ёй пытанні прысутнымі. З водгукам апаніруючай арганізацыі аб дысертацыйным даследаванні выступіла прызначаны эксперт к.ф.н. дацэнт Шведава З.У.

У выніку галасавання (усе – “за”) вырашылі, што ёсць усе падставы для рэкамендавання дысертацыйнага даследавання Слівец Вольгі Рыгораўны “Анамастычная прастора беларускай мастацка-біяграфічнай прозы другой паловы ХХ – пачатку ХХІ стагоддзя” да абароны на атрыманне вучонай ступені кандыдата філалагічных навук па спецыяльнасці 10.02.01 – беларуская мова.

IMG-70bd8a2d90a61418a94d1b7129141895-V