Фотавыстава Ежы Маеўскага “Як фенікс з попелу”

Подробности

Просмотров: 1027

4 лютага бягучага года ў Гомельскім абласным музеі адбылося адкрыццё фотавыставы варшаўскага фатографа і журналіста Ежы Маеўскага “Як фенікс з попелу”. Паколькі аўтарскія правы выставы выкуплены аддзяленнем пасольства Рэспублікі Польшча – Польскім Інстытутам у Мінску, – падобныя мерапрыемствы адбыліся ў некалькіх гарадах рэспублікі. Адкрываючы выставу ў Гомелі, аўтар здымкаў пазнаёміў гасцей з выявамі даваеннай Варшавы, паказаў гістарычныя фота разбуранай немцамі сталіцы і адноўленага пасля вайны галоўнага горада Польшчы. На сустрэчы прысутнічалі, у асноўным, выкладчыкі розных кафедр ГДУ імя Ф. Скарыны: А.Д. Лебедзеў, Н.А. Сіротка, Р.У. Серыкаў са сваімі студэнтамі.  

Подробнее: Фотавыстава Ежы Маеўскага “Як фенікс з попелу”

Наведванне абласной бібліятэкi

Подробности

Просмотров: 1003

19.11.2015 г. студэнты першага курса філалагічнага факультэта (гр. БФ-11) пад кіраўніцтвам Цімашэнка Наталлі Паўлаўны наведалі абласную бібліятэку імя У.І.Леніна (Музей рэдкай кнігі).

Мы атрымалі вялікае задавальненне ад гэтай цікавай і пазнавальнай для нас экскурсіі. Знаёмства са старажытнымі кнігамі, што з’явіліся шмат стагоддзяў назад, агляд кніг, якія складаюць калекцыю  князёў Паскевічаў, – усё гэта застанецца ў нашай памяці. Мы вельмі ўдзячны за гэта нашаму выкладчыку Цімашэнка Н.П., якая выкладае ў нас “Беларускую палеаграфію”, за тое, што яна прапанавала нам гэтую экскурсію.

БФ-11

Вынікi педагагічнай практыкі - 2015

Подробности

Просмотров: 1262

18 лістапада 2015 года на філалагічным факультэце ў студэнтаў  5 курса спецыяльнасці “Беларуская філалогія” адбылася канферэнцыя па выніках педагагічнай практыкі, на якой прысутнічалі студэнты 4 курса. Практыка праходзіла ў шасці школах горада, дзве з якіх з’яўляюцца гімназіямі. Прадстаўнікі ад кожнай групы студэнтаў выказалі задавальненне базай практыкі, падзяліліся сваімі цяжкасцямі і радасцямі ў ходзе падрыхтоўкі і правядзення ўрокаў, пазакласных мерапрыемстваў і напісання псіхолага-педагагічнай характарыстыкі на клас, шкадавалі, што практыка доўжыцца толькі адну чвэрць. У ходзе практыкі амаль усе студэнты  ўпэўніліся ў правільным выбары сваёй будучай прафесіі і выказалі сваю любоў да дзяцей і жаданне працаваць у школе. Факультэцкі кіраўнік З.У. Шведава падвяла вынікі практыкі, падзякавала ўсім за добрую працу і агучыла ацэнкі, сярод якіх пераважаюць адзнакі ў 10 і 9 балаў. Па выніках практыкі быў аб’яўлены конкурс на лепшую прэзентацыю. Прадставілі сваё бачанне практыкі амаль усе групы студэнтаў. Усе прэзентацыі былі цікавымі, і кожная нечым уразіла. Бездакорнай па змесце і афармленні была прэзентацыя групы, якая праходзіла практыку ў СШ №8 г. Гомеля. Прэзентацыя групы, якая праходзіла практыку ў СШ №22 г. Гомеля, уразіла ўласным вершам аб ходзе практыкі.   

Подробнее: Вынікi педагагічнай практыкі - 2015

VІ Міжнародная навуковая канферэнцыя "Скарына i наш час"

Подробности

Просмотров: 2148

У пятніцу, 6 лістапада 2015 года, кафедра беларускай мовы ўстановы адукацыі “Гомельскі дзяржаўны ўніверсітэт імя Францыска Скарыны” і Навукова-даследчы інстытут гісторыі і культуры ўсходнеславянскіх народаў пры ГДУ імя Францыска Скарыны праводзяць VІ Міжнародную навуковую канферэнцыю “Скарына і наш час”.

У канферэнцыі прымаюць удзел навукоўцы, даследчыкі, выкладчыкі, у сферы навуковых інтарэсаў якіх – гісторыя славянскіх народаў і моў, славянскія мовы і літаратуры, фальклор, міжмоўная камунікацыя.

Плануецца абмеркаванне актуальных пытанняў сучаснай філалогіі, сярод якіх: эпоха і справы Францыска Скарыны, традыцыі Францыска Скарыны, нацыянальная мова ў гістарычна-культурным працэсе, праблемы сучаснай дыялекталогіі і лінгвагеаграфіі, вывучэнне розных узроўняў беларускай літаратурнай мовы, беларуская лексікаграфія, актуальныя пытанні анамастыкі, моўныя кантакты, дыскусійныя пытанні этналінгвістыкі, мова і сродкі масавай камунікацыі, пераклад і інтэрпрэтацыя тэксту, стылістыка мастацкага слова, праблемы літаратуразнаўства, фальклор і мастацтва.

Распачнецца навуковы форум з пленарнага пасяджэння, якое адбудзецца ў 10 гадзін 6 лістапада ў чытальнай зале галоўнага корпуса нашай вну (Гомель, вул. Савецкая, 104, 2 паверх).

Подробнее: VІ Міжнародная навуковая канферэнцыя "Скарына i наш час"