Бацькоўскі сход на філалагічным факультэце

Подробности

Просмотров: 787

11 лістапада 2017 года на філалагічным факультэце адбыўся бацькоўскі сход.

Дэкан філалагічнага факультэта А.М. Палуян расказала пра факультэт, яго структуру, кафедры. Падрабязна спынілася на пытаннях, звязаных з атрыманнем стыпендыі, у тым ліку і сацыяльнай, матэрыяльнай дапамогай, пропускамі заняткаў, адлічэннем студэнтаў, асаблівасцямі арганізацыі вучэбных і вытворчых практык, магчымасцямі будучага працаўладкавання, атрыманнем другой адукацыі, вывучэннем кітайскай мовы і іўрыта.

Намеснік дэкана па вучэбнай рабоце В.М. Мельнікава пазнаёміла бацькоў з структурай вучэбнага плана, раскладам, асаблівасцямі арганізацыі заліковай і экзаменацыйнай сесіі.

А.М. Воінава, намеснік па выхаваўчай рабоце, распавяла пра арганізацыю вольнага часу студэнтаў, атрыманне месца ў інтэрнаце, удзел у шматлікіх мерапрыемствах на факультэце і ва ўніверсітэце, студэнцкім самакіраванні і г.д.

Затым з бацькамі сустрэліся куратары акадэмічных груп – Н.П. Цімашэнка, дацэнт кафедры беларускай мовы, С.А. Вяргеенка, дацэнт кафедры беларускай культуры і фалькларыстыкі. У час гутаркі ўзнімаліся пытанні наведвання заняткаў, захавання правіл унутранага распарадку, папяховасць студэнтаў.

Універсітэцкія суботы-2017

Подробности

Просмотров: 2802

11 лістапада 2017 года ў рамках універсітэцкай акцыі “Універсітэцкія суботы” на філалагічным факультэце адбылася сустрэча з вучнямі школ, зацікаўленымі ў паступленні на філалагічны факультэт. На сустрэчы прысутнічала каля 35 вучняў са школ: ДУА “Гімназія № 10 г. Гомеля”, ДУА “Сярэдняя школа № 67 г. Гомеля”, ДУА “Гімназія г. Калінкавічы”, ДУА “Сярэдняя школа №2 г. Калінкавічы”, а такасама іх настаўнікі. Дзяцей цікавілі пытанні паступлення, пражывання, платы за навучанне, спецыфікі накірункаў кожнай спецыяльнасці, магчымасці авалодання іншымі мовамі, працэсу навучання ў цэлым, размеркавання і інш. З рэкламай факультэта і адказамі на пастаўленыя пытанні выступілі: дэкан факультэта А.М. Палуян, намеснік дэкана па вучэбнай рабоце В.М. Мельнікава, намеснік дэкана па выхаваўчай рабоце Воінава А.М., намеснік дэкана па прафарыентацыйнай рабоце З.У. Шведава, загадчыкі кафедраў.

Вучняў пазнаёмілі з гісторыяй факультэта, расказалі і праілюстравалі, як на факультэце шануецца і захоўваецца памяць пра знакамітых выпускнікоў, пра далёкую і блізкую гісторыю факультэта.  Вучняў правялі па ўсіх кафедрах, пазнаёмілі са складам выкладчыкаў. Затым вучні наведалі музеі факультэта і выслухалі цікавую і змястоўную інфармацыю.

Асабліва іх уразіў музей “Alma-mater”, дзе сабраны матэрыялы пра выпускнікоў філалагічнага факультэта, што сталі знакамітымі пісьменнікамі, паэтамі, а таксама пра выбітных пісьменнікаў Гомельшчыны.

Зацікавіў вучняў і літаратурна-асветніцкі цэнтр памяці аб Вялікай Айчыннай вайне “Патрыётыка”, дзе збіраецца і захоўваецца памяць пра герояў, удзельнікаў Вялікай Айчыннай  вайны, якія з’яўляюцца ўраджэнцамі Гомельскай вобласці, а таксама магчымасць стаць збіральнікам і аўтарам успамінаў сваіх блізкіх аб падзеях мінулай вайны.

Уразіла вучняў і матэрыяльна-тэхнічнае забеспячэнне нашых лепшых кабінетаў – Скарынаўскага, Канфуцыя, польскай мовы, іўрыта,  русістыкі.

Дарагія выпускнікі, на філалагічным факультэце вы многаму навучыцеся, будзеце жыць цікава, творча. Мы будзем рады бачыць вас сваімі студэнтамі. Чакаем Вас!

Подробнее: Універсітэцкія суботы-2017

Пра кафедру

Подробности

Просмотров: 868

Кафедра беларускай мовы ўстановы адукацыі "Гомельскі дзяржаўны ўніверсітэт імя Ф. Скарыны" размяшчаецца ў корпусе № 1 універсітэта па адрасе: вуліца Савецкая, 108, аўд. 2-22, тэлефон кафедры - 8 (0232) 512146,  e-mail:  Этот адрес электронной почты защищен от спам-ботов. У вас должен быть включен JavaScript для просмотра.

Загадчык кафедры - Воінава Алена Мікалаеўна кандыдат філалагічных навук дацэнт.

Зараз выкладчыцкі склад кафедры - гэта 14 чалавек, у тым ліку: 2 дактары філалагічных навук, прафесары, 9 кандыдатаў філалагічных навук, дацэнтаў, 1 кандыдат філалагічных навук, асістэнт, 1 старшы выкладчык, сакратар.

Выкладчыкі кафедры здзяйсняюць навучальную дзейнасць на філалагічным факультэце для студэнтаў спецыяльнасцей "Беларуская філалогія" і "Руская філалогія", на гістарычным і юрыдычным факультэтах, а таксама на факультэце замежных моў і на факультэце пcіхалогіі іпедагогікі.

Штогод калектыў кафедры прымае актыўны ўдзел у цэнтралізаваным тэсціраванні. 
Кафедра беларускай мовы працуе ў адпаведнасці з сістэмай менеджмента якасці, паводле якой кожны супрацоўнік нясе персанальную адказнасць у межах сваё кампетэнцыі за якасць сваёй работы. 
Выкладчыкамі кафедры былі распрацаваны і ўключаны ў вучэбны працэс курсы лекцый па асноўных дысцыплінах кафедры, заснаваныя на перадавым педагагічным вопыце з прымяненнем інавацыйных тэхналогій. Штогод распрацоўваюцца дыдактычны матэрыял да практычных заняткаў, заданні для самастойнай і кантрольнай работ студэнтаў, складаюцца білеты да экзаменаў, заданні да кантрольных работ для студэнтаў завочнага факультэта. Распрацаваны вучэбныя базавыя і рабочыя праграмы па дысцыплінах кафедры.

Подробнее: Пра кафедру

Навуковая дзейнасць

Подробности

Просмотров: 824

На кафедры беларускай мовы Гомельскага дзяржаўнага ўніверсітэта імя Ф. Скарыны сфарміравалася навукова-педагагічная школа “Беларуская лінгвістыка”.                                                                

Развіццё навукова-педагагічнай школы “Беларуская лінгвістыка” звязана з імем Уладзіміра Васільевіча Анічэнкі. За 30 гадоў навукова-педагагічнай дзейнасці ў ГДУ доктар філалагічных навук прафесар У.А. Анічэнка сфарміраваў грунтоўную школу вучоных – кваліфікаваных спецыялістаў ў галіне беларускага мовазнаўства. За гэтыя гады аспіранты У.В. Анічэнкі падрыхтавалі і абаранілі 26 кандыдацкіх і 1 доктарскую дысертацыю.

Па ініцыятыве У.В. Анічэнкі пры кафедры беларускай мовы ў 1973 годзе была адкрыта аспірантура па спецыяльнасці 10.02.01 – беларуская мова. За перыяд дзейнасці аспірантуры ў ёй праходзілі навучанне 43 чалавекі, з якіх 36 паспяхова абаранілі кандыдацкія дысертацыі. На сённяшні дзень у аспірантуры навучаюцца 8 аспірантаў. Дзякуючы настойлівым намаганням У.В. Анічэнкі пры Гомельскім дзяржаўным універсітэце імя Францыска Скарыны загадам БелВАКа ад 16.04.96 (загад № 57) зацверджаны Савет па абароне кандыдацкіх дысертацый К.02.12.03.

Дзякуючы настойлівым намаганням У.В. Анічэнкі пры Гомельскім дзяржаўным універсітэце імя Францыска Скарыны загадам БелВАКа ад 16.04.96 (загад № 57) зацверджаны Савет па абароне кандыдацкіх дысертацый К.02.12.03. За перыяд дзейнасці Савета з 1996 па 2001 г.г. было абаронена 16 кандыдацкіх дысертацый па спецыяльнасці 10.02.01 – беларуская мова. З 2001 па 2004 г.г. у Савеце было абаронена 17 кандыдацкіх дысертацый.

Подробнее: Навуковая дзейнасць