Пераможцы рэспубліканскага конкурсу студэнцкіх навуковых работ

Подробности

Просмотров: 649

Кафедра беларускай мовы віншуе пераможцаў рэспубліканскага конкурсу студэнцкіх навуковых работ 2017 года і іх навуковых кіраўнікоў.

З гонарам адзначае, што сярод пераможцаў - выпускнікі, якія займаліся навуковымі даследаваннямі, прысвечаным актуальным праблемам беларускага мовазнаўства.

Дыплом ІІ катэгорыі атрымалі:                                                            

• БАРСУКОВА Н.В.

"Моўныя сродкі выяўленчай выразнасці ў народных калыханках: лінгвапрагматычны аспект"

Навуковы кіраўнік – Станкевіч А.А., д.ф.н., прафесар каф. бел. мовы

• КЛІМЯНКОВА К.М.

"Сімволіка-алегарычны кампанент у структуры беларускіх парэмій"

Навуковы кіраўнік – Станкевіч А.А., д.ф.н., прафесар каф. бел. мовы

• ЦЕЛЕПНЕВА Н.В.

"Фразеалагічнае поле мовы рамана “Снежныя зімы” І. П. Шамякіна"

Навуковы кіраўнік – Ляшчынская В.А., д.ф.н., прафесар каф. беларускай мовы

• ШУКАЛОВІЧ А.П.

"Моўныя сродкі стварэння кантрасту ў беларускіх парэміях"

Навуковы кіраўнік – Станкевіч А.А., д.ф.н., прафесар каф. бел. мовы

Конкурс рытарычнага майстэрства

Подробности

Просмотров: 1131

23 снежня 2017 года на базе ДУА “Гімназія № 36 г.Гомеля імя І.Мележа” прайшоў чарговы абласны конкурс рытарычнага майстэрства “Гавары са мной па-беларуску” сярод вучняў 9 - 11 класаў школ, гімназій і ліцэяў г. Гомеля і Гомельскай вобласці, які сабраў тых людзей, хто па-сапраўднаму любіць беларускую мову і імкнецца данесці яе прыгажосць і мілагучнасць.

У якасці членаў журы былі запрошаны выкладчыкі філалагічнага факультэта: дацэнты Паплаўная Л.В., Кастрыца А.А., Вяргеенка С.А., асістэнты Панкова Н.М., Бажок І.

Подробнее: Конкурс рытарычнага майстэрства

Акцыя “Чытаем Купалу разам” у Беларускім гандлёва-эканамічным універсітэце

Подробности

Просмотров: 704

Акцыя “Чытаем Купалу разам”, якая была арганізавана і праведзена прафесарам кафедры беларускай мовы  ГДУ імя Ф. Скарыны Ляшчынскай В.А.  26 лістапада ў чытальнай зале галоўнага корпуса, падхоплена іншымі вышэйшымі навучальнымі ўстановамі. Так, 20 снежня 2017 года яна была праведзена В.А. Ляшчынскай у  Беларускім гандлёва-эканамічным універсітэце. Актыўны ўдзел у ёй прынялі студэнты і выкладчыкі, супрацоўнікі гэтай навучальнай установы і вучань 5 класа гімназіі № 51 Аксёнаў Уладзіслаў, сын аднаго з выкладчыкаў,  якія чыталі вершы Купалы, урыўкі з яго паэм, выконвалі песні на словы вершаў беларускага песняра. Вяла акцыю В.А. Ляшчынская, якая акцэнтавала ўвагу прысутных на асобных, але выключна значных старонках з жыцця і творчасці класіка беларускай літаратуры. Усе атрымалі вялікае задавальненне і асалоду ад музыкі беларускага слова, ад пявучых радкоў Купалы.

Подробнее: Акцыя “Чытаем Купалу разам” у Беларускім гандлёва-эканамічным універсітэце

Прэм’ера фільма

Подробности

Просмотров: 659

14 снежня студэнты філалагічнага факультэта наведалі прэм’ерны паказ фільма “Шторм: палаючы ліст” у кінатэатры “Мір”. З’ява гэтая сапраўды выключная, бо ўпершыню ў Гомелі дэманстравалася замежная карціна, цалкам агучаная па-беларуску.

Гледачы пачалі збірацца яшчэ загадзя. Кожнага, хто пераступаў парог кінатэатра, адразу ахутвалі гукі старасвецкае барочнае музыкі, якія поўнілі душу радасцю і замілаваннем. Увагу прыцягваў таксама друкарскі станок, на якім можна было атрымаць адбітак сапраўднай гравюры.

Такі ўступ арганічна суадносіўся з тэматыкай фільма, які распавядае пра падзеі Рэфармацыі ў Нідэрландах пяцісотгадовай даўніны, у тым ліку закранаецца і развіццё кнігадрукавання. Якраз тое, што сёлета ў Беларусі святкуецца юбілей дзейнасці Ф. Скарыны, і было прычынай адбору для дэманстравання менавіта дадзенага кінафільма.

Нягледзячы на некаторыя хібы ў перакладзе і пэўную аднабаковасць сюжэта, карціна ўражвае дакладнасцю перадачы жыцця той эпохі, падборам дэкарацый і строяў. Усе прысутныя сапраўды на некаторы час змаглі апынуцца ў атмасферы далёкай мінуўшчыны.

 А. Дакукін, студэнт 4 курса