"Гавары са мной па-беларуску 2025”

Традыцыйна 06 снежня 2025 г. на базе ДУА "Гімназія № 36 г. Гомеля імя Івана Мележа” адбыўся абласны конкурс рытарычнага майстэрства "Гавары са мной па-беларуску” сярод вучняў 9 – 11 класаў школ г. Гомеля і Гомельскай вобласці.

У якасці членаў журы былі запрошаны выкладчыкі філалагічнага факультэта ГДУ імя Ф. Скарыны: дэкан Палуян А.Н., дацэнт Воінава А.М., старшы выкладчык Драбышэўская Л.І, а таксама магістранты: Сцепчанка В.A., Іванюк Г.А., Аніскавец В.С.

Сярод вучняў 9-11 класа, была праведзена прафарыентацыйная гутарка з раздачай буклетаў. Настаўнікі, а таксама удзельнікі конкурсу праінфармаваны аб перспектывах навучання на філалагічным факультэце Гомельскага дзяржаўнага ўніверсітэта імя Францыска Скарыны.