Рэзюмэ

Нарадзіўся 1 снежня 1965 года ў горадзе Гомелі. У 1982 годзе паступіў у Гомельскі дзяржаўны універсітэт імя Францыска Скарыны на спецыяльнасць «Прыкладная матэматыка». Падчас вучобы праявіў цікавасць да навуковай дзейнасці ў галіне імітацыйнага мадэлявання. Скончыўшы з адзнакай універсітэт ў 1989 годзе, быў размеркаваны на кафедру матэматычных праблем кіравання дадзенага ВНУ і рэкамендаваны ёю да паступлення ў аспірантуру на спецыяльнасць 05.13.16 - «Прымяненне вылічальнай тэхнікі, матэматычнага мадэлявання і матэматычных метадаў у навуковых даследаваннях» (па галінах навук). У 1994 годзе ў Беларускім дзяржаўным універсітэце пад кіраўніцтвам доктара тэхнічных навук, прафесара Максiмея Івана Васільевіча абараніў кандыдацкую дысертацыю на тэму «Распрацоўка метаду і сродкаў аўтаматызацыі імітацыйнага мадэлявання складаных дыскрэтных сістэм», атрымаўшы навуковую ступень кандыдата тэхнічных навук. У 2000 годзе прысвоена вучонае званне дацэнта па спецыяльнасці «Інфарматыка, кіраванне і вылічальная тэхніка».

На выкладчыцкіх пасадах кафедры матэматычных праблем кіравання (асістэнт, старэйшы выкладчык, дацэнт) працаваў з 1992 па 2007 год. У 2007 годзе быў абраны па конкурсу на пасаду загадчыка кафедры аўтаматызаваных сістэм апрацоўкі інфармацыі фізічнага факультэта.

Распрацаваны курсы лекцый і лабараторныя практыкумы больш, чым па 15 вучэбных дысцыплінах. Асаблівая ўвага надаецца падрыхтоўцы метадычных матэрыялаў у электронным выглядзе. Рэгулярна ажыццяўляецца кіраўніцтва дыпломным і курсавым праектаваннем студэнтаў па наступных напрамках:

• iмітацыйнае мадэляванне,
• аб'ектна-арыентаванае праграмаванне,
• распрацоўка web-аплiкацый на платформе Java Enterprise Edition,
• тэхналогія распрацоўкі праграмнага забеспячэння,
• аўтаматызацыя офіснай дзейнасці сродкамі Excel.

Апублікавана больш за 20 навукова-метадычных работ, з іх 1 вучэбны дапаможнік з грыфам Міністэрства адукацыі Рэспублікі Беларусь. З'яўляюся членам арганізацыйнага камітэта па правядзенні двух канферэнцый на базе нашага універсітэта:

• Рэспубліканская навуковая канферэнцыя студентаў і аспірантаў «Новыя матэматычныя метады і камп'ютэрныя тэхналогіі ў праектаванні, вытворчасці і навуковых даследаваннях»;
• Рэспубліканская навукова-практычная канферэнцыя «Актуальныя пытанні навукова-метадычнай работы».

Праходзіў неаднаразова павышэнне кваліфікацыі:

• па праграме навукова-метадычнага семінара матэматычнага факультэта;
• на кафедры інфармацыйна-вылічальных сістэм Беларускага гандлёва-эканамічнага універсітэта;
• у Парку высокіх тэхналогій.

Пад маім навуковым кіраўніцтвам абаронены дзве кандыдацкія дысертацыі: 2006 год - Старчанка Уладзімір, 2009 год - Чэчат Павел. Вучні станавіліся лаўрэатамі Рэспубліканскага конкурсу студэнцкіх работ розных гадоў, адкрытага конкурсу Эрыксан - НАН Беларусi'2004.

Прымаў актыўны ўдзел у выкананні 15 гаспдамоўных і дзяржбюджэтных навукова-даследчых работ, з іх у 1 у якасці навуковага кіраўніка, у 7 - адказнага выканаўцы. Вынікі навуковай працы рэгулярна дакладваюцца на міжнародных навуковых канферэнцыях. Спіс навуковых публікацый уключае больш за 60 найменняў. У 2006 годзе ў сааўтарстве з прафесарам I.В. Максiмеям. выдаў манаграфію «Праграмна-тэхналагічныя комплексы імітацыі складаных дыскрэтных сістэм», дзе падведзены вынікі выканання навукова-даследчых работ. У 2007 годзе стаў лаўрэатам Скарынiнскiх чытанняў.
З 2014 па 2018 гады ў супрацоўніцтве з кафедрай інфарматыкі Універсітэта горада Жыліна (Славакія) мною былі выкананы два праекты ў рамках міжнародных праграм TEMPUS і ERASMUS+.

Асноўныя вобласці навуковых інтарэсаў:

• імітацыйных мадэляванне;
• навукова-метадычнае забеспячэнне навучальнага працэсу ў галіне прамысловых інфармацыйных тэхналогій.

Мною распрацаваны праграмна-тэхналагічны інструментарый праблемнай арыентацыі сродкаў аўтаматызацыі імітацыйнага мадэлявання складаных дыскрэтных сістэм. У яго аснове знаходзіцца сістэма мадэлявання MICIC4, якая ўключае ў сябе:

• базавую схему фармалізацыі аб'екта мадэлявання;
• шаблоны праектавання праграмы імітацыйнай мадэлі;
• праграмныя інтэрфейсы пастаноўкі імітацыйнага эксперыменту;
• сцэнарыі імітацыйных эксперыментаў, якія дазваляюць праводзіць выпрабаванне, даследаванне уласцівасцяў і эксплуатацыю мадэлі;
• спосабы інтэграцыі імітацыйных мадэляў ў інфармацыйна-аналітычную сістэму карыстальніка паводле наяўнага ўзроўню аўтаматызацыі.

З дапамогай сістэмы мадэлявання MICIC4 вучнямі і калегамі створаны шэраг праблемна-арыентаваных комплексаў імітацыі ў наступных галінах: тэхналагічныя працэсы вытворчасці, транспартныя плыні, вылічальныя працэсы ў тэлекамунікацыйных сетках, камерцыйная дзейнасць.

Рэгулярна прымаю ўдзел у наступных навуковых канферэнцыях:

• «Інфармацыйныя сістэмы і тэхналогіі» (IST), г. Мінск;
• «Імітацыйнае мадэляванне: тэорыя і практыка» (ИММОД), г. Санкт-Пецярбург;
• «Computer Data Analisys and Modeling» (CDAM), г. Мінск.

Найбольш значныя за апошнія гады навуковыя працы:

1. Ляўчук, В.Д. Праграмна-тэхналагічныя комплексы імітацыі складаных дыскрэтных сістэм/ В.Д. Ляўчук, І.В. Максімей.- Гомель: ГДУ імя Ф.Скарыны, 2006.- 263 с.
2. Ляўчук, В.Д. Базавая схема фармалізацыі сістэмы мадэлявання MICIC4/ В.Д. Ляўчук// Проблеми програмування.- 2005.- №1.- С. 85-96.
3. Ляўчук, В.Д. Верыфікацыя імітацыйнай мадэлі тэхналагічнага працэсу вытворчасці з іерархічнай структурай/ В.Д. Ляўчук, П.Л. Чэчат [і інш]// Інфарматыка, №1, 2005.- С. 32-40.
4. Ляўчук, В.Д. Імітацыйнае мадэляванне тэхналагічнага працэсу вытворчасці з іерархічнай структурай/ В.Д. Ляўчук// Реєстрацiя, зберiгання i обробка даних.- 2006.- Т.8, №3.- С. 89-103.
5. Ляўчук, В.Д. Праграмныя інтэрфейсы імітацыйныга мадэлявання складаных дыскрэтных сістэм/ В.Д. Ляўчук// Матэматичнi машыны i сістэмы, №1, 2007.- С. 88-92.
6. Ляўчук, В.Д. Актуальныя шаблоны праграмавання імітацыйных мадэляў складаных сістэм/ В.Д. Ляўчук, П.Л. Чэчат// «Імітацыйная мадэляванне. Тэорыя і практыка» ИММОД-2007: Зборнік дакладаў трэцяй Усерасійскай навукова-практычнай канферэнцыі па імітацыйнаму мадэляванню і яго прымяненню ў навуцы і прамысловасці/ СПб.: ФГУП ЦНДІ тэхналогіі суднабудавання, 2007.- Т.1.- С. 167-171.
7. Ляўчук, В.Д. Уплыў сучасных інфармацыйных тэхналогій на развіццё сродкаў аўтаматызацыі імітацыйнага мадэлявання складаных дыскрэтных сістэм/ В.Д. Ляўчук// Весці Гомельскага дзяржаўнага універсітэта імя Ф. Скарыны.- 2009.- № 4.- С. 32-35.
8. Ляўчук, В.Д. Параўнанне стратэгій планавання каналаў размеркавання па выніках пастаноўкі імітацыйных эксперыментаў / В.Д. Ляўчук // Весці Гомельскага дзяржаўнага універсітэта імя Ф. Скарыны.- 2011.- №6.- С. 196-199.
9. Ляўчук, В.Д. Сучасная інфраструктура лекцыі // Ляўчук В.Д., Варуеў А.В., Чэчат П.Л., Ляўчук А.А. / Дыстанцыйнае навучанне - адукацыйнае асяроддзе XXI стагоддзя: матэрыялы IX міжнар. нав.-метад. канф. - Мінск: БДУІР, 2015. - С.145-146.
10. Ляўчук, В.Д. Ініцыялізацыя датчыкаў псеўдавыпадковых лікаў ва ўбудаваных прыладах // Чэчат П.Л., Ляўчук В.Д., Варуеў А.В. / Весткі Гомельскага дзяржаўнага універсітэта імя Ф. Скарыны. - 2015.- № 6 (93) .- С.75-80.
11. Ляўчук, В.Д. Канцэптуальная мадэль механізмаў забеспячэння якасці абслугоўвання ў сетках з камутацыяй пакетаў // А.І. Хобня, В.Д. Ляўчук, А.М. Дземідзенка / Інфарматыка. - 2016.- № 4.- C. 78-87.
12. Ляўчук, В.Д. Архітэктура праграмнага інструментара па забеспячэнню надзейнасці вузла ЛВС // А.І. Кучараў, А.В. Варуеў, А.М. Дземідзенка, В.Д. Ляўчук / Праблемы фізікі, матэматыкі, тэхнікі. - 2017.- № 4. C. 61-64.