На старонках газеты «Літаратура і мастацтва»

На старонках газеты «Літаратура і мастацтва» аўтары паспрабавалі знайсці адказы на розныя пытанні, якія звязаны са станам літаратурна-мастацкай крытыкі. Вядомыя у літаратурным асяроддзі асобы выказвалi свае суб’ектыўныя меркаванні. Так, напрыклад, удзел у размове прынялі паэт, празаік, перакладчык, намеснік дырэктара выдавецтва «Мастацкая літаратура», галоўны рэдактар часопіса «Полымя» Віктар Шніп і празаік, намеснік галоўнага рэдактара часопіса «Алеся» Алена Брава. У сваіх адказах на пытанні Віктар Шніп і Алена Брава ўспамінаюць загадчыка кафедры беларускай літаратуры, доктара філалагічных навук, прафесара Івана Штэйнера і кандыдата філалагічных навук, дацэнта Аляксандра Бярозку.

Профориентационные встречи

5 октября доцент кафедры русской и мировой литературы Е. А. Кастрица выступила перед школьниками и гимназистами Гомельской области - участниками олимпиадного движения. Елена Александровна расскала о преимуществах обучения на филологическом факультете ГГУ им. Ф. Скорины, особенностях вузовской олимпиады и дополнительных возможностях для поступления, которые получают её победители.

С Днём учителя!

Дорогие коллеги, с Праздником!

Творческого вдохновения, здоровья, благополучия вам и вашим близким!

Актуальныя праблемы філалогіі: выпуск 17

На пачатку навучальнага года выйшаў у свет 17 выпуск зборніка навуковых артыкулаў студэнтаў, магістрантаў і аспірантаў "Актуальныя праблемы філалогіі".                                                                 

У зборніку навуковых артыкулаў “Актуальныя праблемы філалогіі” прадстаўлены працы маладога пакалення даследчыкаў літаратуры, мовы, фальклору і этнаграфіі, якія выразна характарызуюць належны ўзровень і перспектывы развіцця беларускай філалагічнай навукі ў ХХІ стагоддзі. 

Зборнік складаецца з трох частак, кожная з якіх рэпрэзентуе навуковыя пошукі студэнтаў, магістрантаў і аспірантаў філалагічнага факультэта і факультэта гісторыі і міжкультурных камунікацый Гомельскага дзяржаўнага ўніверсітэта імя Ф. Скарыны” ў адпаведнай галіне гуманітарных даследаванняў.

Літаратуразнаўчыя артыкулы прысвечаны самым разнастайным праблемам класічнага і сучаснага, рускага і айчыннага вербальнага мастацтва. Акрамя прац манаграфічнага характару, дзе даследуюцца асаблівасці паэтыкі (адметнасці вобразна-сімвалічных структур, жанравая спецыфіка, тыпалагічныя сыходжанні і інш.), ідэйна-эстэтычных і светапоглядных канцэпцый асобных пісьменнікаў, у зборніку прапануюцца  даследаванні панарамна-аглядавага характару. Апошнія характарызуюцца даволі цікавымі падыходамі ў асэнсаванні актуальных праблем сённяшняга мастацтва слова і выбарам маладаследаваных ракурсаў разгляду літаратуры ХХ і ХХІ стагоддзяў (экзістэнцыйныя праблемы, жанравыя мадыфікацыі і інш.). Акрамя таго, шэраг артыкулаў прысвечаны пытанням тэорыі літаратуры.

Лінгвістычныя артыкулы таксама закранаюць шырокі спектр праблем, звязаных з рознымі раздзеламі мовазнаўства: фразеалогіяй, гісторыяй мовы, анамастыкай, стылістыкай, лексікалогіяй, а таксама надзённым пытанням выкладання філалагічных дысцыплін.

Артыкулы, змешчаныя ў трэцім раздзеле (“Фалькларыстыка і этнаграфія”), грунтуюцца на сабраным самімі аўтарамі матэрыяле і ўяўляюць сабой арыгінальныя даследаванні ў рэчышчы катэгорый “лакальнае”, “рэгіянальнае” і “нацыянальнае”. Шэраг артыкулаў разглядаюць актуальныя пытанні краязнаўства і этнаграфіі.

Подробнее: Актуальныя праблемы філалогіі: выпуск 17