Маладыя крочаць у навуку

Подробности

Просмотров: 24

21 сакавіка 2026 года ў ДУА “Гімназія № 10 г. Гомеля” адбылася чарговая штогодняя канферэнцыя “Свабодны выбар”, якая аб’яднала вучняў розных школ і гімназій.

Сярод розных прадметных секцый працавала і секцыя № 2 “Спадчына” (беларуская мовы і літаратура), якая аб’яднала вучняў 5 і 8-11 класаў. У журы выдзеленай секцыі на канферэнцыі працавалі выкладчыкі кафедры беларускай мовы – прафесар В. А. Ляшчынская і дацэнт С. А. Вяргеенка.

На пасяджэнні секцыі было прадстаўлена 14 дакладаў рознай тэматыкі. Кожнае выступленне ўдзельнікаў суправаджалася прэзентацыяй і прадстаўленнем у папяровым фармаце, аформленым па ўсіх правілах навуковых работ.

Вучняў цікавілі пытанні тэрміналогіі, фразеалогіі, парэміялогіі, лексікі беларускай мовы, маўленчага этыкету беларусаў у мінулым і сёння, вобразна-выяўленчыя сродкі ў творах мастакоў беларускага слова, якімі былі абраны землякі, нараджэнцы Гомельшчыны – Міхась Башлыкоў, Ганна Атрошчанка і інш.

Выступленні паказалі даволі высокі ўзровень падрыхтаванасці навуковых прац, валодання беларускай мовай, сапраўднай зацікаўленасці да пытанняў беларускай мовы. Асабліва ўразіў удзел у рабоце канферэнцыі і падрыхтаваны даклад вучаніцы 5 класа СШ № 66 г. Гомеля Вегера Арыны, якая, зразумела, з дапамогай свайго настаўніка дала ацэнку фразеалагізмам у казцы У. Караткевіча “Нямоглы бацька”.

Канферэнцыя паказала, што школа закладвае падмурак-цікавасць да творчасці, да навуковай работы. Навуковая змена расце.

Сохраняя память: блокадный Ленинград

Подробности

Просмотров: 244

21 октября студенты филологического факультета Гомельского государственного университета имени Франциска Скорины посетили выставку «Ленинградские карточки. Беларусь помнит» в Гомельском доме профсоюзов. Экспозиция выставки, организованная российским бизнесменом и общественным деятелем Алексеем Семенцовым, попала в Беларусь благодаря руководителю благотворительного фонда Алексею Талаю.

В экспозицию вошли продовольственные карточки, фотографии и другие экспонаты, которые стали свидетелями страшных 872 дней блокады города-героя Ленинграда.

Экскурсовод выставки, студент Гомельского железнодорожного колледжа Артём Сергеевич Волов, сумел показать жизнь ленинградцев в годы Великой Отечественной войны, которые, несмотря на голод и холод, выстояли, нашли силы и мужество преодолеть все ужасы блокады. Рассказ экскурсовода был не только информативным, но и очень эмоциональным. Молодой человек с увлечением рассказывал посетителям о исторических экспонатах, фотографиях и документах, показывал значимость каждого элемента выставки и делился своими размышлениями о мире в будущем.

Эта выставка стала напоминанием о героическом прошлом и вызовом для молодого поколения ценить и охранять достигнутое мирное будущее. Благодаря таким инициативам память о Великой Отечественной войне передается дальше, вдохновляя новых защитников мира.

РЫХТУЮЦЦА БУДУЧЫЯ ДАСЛЕДЧЫКІ, ТВОРЧЫЯ І ІНІЦЫЯТЫЎНЫЯ НАВУЧЭНЦЫ

Подробности

Просмотров: 497

22 сакавіка 2025 года на базе і па ініцыятыве супрацоўнікаў ДУА “Гімназія № 10 г. Гомеля” адбылася чарговая, ужо ХХІ, Адкрытая канферэнцыя “Свабодны выбар”. У рабоце канферэнцыі прынялі ўдзел навучэнцы ад 5 па 11 класы з розных навучальных устаноў г. Гомеля, Гомельскай вобласці, а таксама вучні з Бранска і горада Зеленагорска Рэспублікі Татарстан.

Праца канферэнцыі, як заўсёды, была арганізавана па секцыях, на якіх былі заслуханы падрыхтаваныя навукова-даследчыя работы навучэнцаў школ, гімназій, каледжаў па розных напрамках у межах дысцыплін школьных праграм. Экспертныя камісіі для ацэнкі выступленняў навучэнцаў з навукова-даследчымі работамі, прэзентацыямі былі складзены з ліку  настаўнікікаў-прадметнікаў гімназіі № 10 і запрошаных выкладчыкаў з розных факультэтаў Гомельскага дзяржаўнага ўніверсітэта імя Францыска Скарыны.

Секцыя беларускага мовазнаўства і літаратуразнаўства, у склад экспертнай камісіі якой увайшлі Н.В. Жаўняк, настаўнік беларускай мовы і літаратуры гімназіі № 10 г. Гомеля, А.В. Брадзіхіна, дацэнт кафедры беларускай літаратуры  УА “ГДУ імя Ф. Скарыны”, кандыдат філалагічных навук, дацэнт, В.А. Ляшчынская, прафесар кафедры беларускай мовы УА “ГДУ імя Ф. Скарыны”, доктар філалагічных навук, прафесар. 

Чарговая штогадовая канферэнцыя “Свабодны выбар” навучэнцаў горада Гомеля і Гомельскай вобласці наглядна паказвае творчы падыход у навучанні моладзі, пачынаючы са школы, ліцэя, каледжа. Гэта і падрыхтоўка абітурыентаў, будучых студэнтаў, і, галоўнае, творчых і ініцыятыўных людзей, якія ўжо са школьных гадоў шукаюць адказы на пытанні, думаюць над іх вырашэннем, знаходзяць адказы, вучацца аналізаваць, авалодваюць майстэрствам выступлення, падрыхтоўкай і афармленнем навуковай работы.

                                                                                          В.А. Ляшчынская

ГІСТОРЫКУ, ЛЕКСІКОГРАФУ, БЕЛАРУСАЗНАЎЦУ ПРЫСВЯЧАЕЦЦА

Подробности

Просмотров: 499

18-19 сакавіка 2025 года ў Цэнтры даследаванняў беларускай культуры, мовы і літаратуры Нацыянальнай акадэміі навук адбылася Рэспубліканская канферэнцыяі “Беларускае гістарычнае мовазнаўства: стан і перспектывы развіцця”. Канферэнцыя арганізавана і прысвечана ў гонар 90-годдзя з дня нараджэння члена-карэспандэнта НАН Рэспублікі Беларусь Аляксандра Мікалаевіча Булыкі, вядомага ў шырокіх навуковых колах філолагаў Беларусі і за яе межамі як даследчыка гісторыі развіцця і станаўлення сучаснай беларускай літаратурнай мовы, старабеларускай мовы, мовы Францыска Скарыны, лексікографа, складальніка шматлікіх і розных слоўнікаў, сярод якіх адзіны ў беларускай мове слоўнік іншамоўных слоў у двух тамах.

Віншаванні, шчырыя словы ўдзячнасці, прызнання заслуг юбіляру выказалі і даслалі філолагі і не толькі з розных навуковых і навучальных устаноў горада Мінска, усіх абласных універсітэтаў нашай краіны і з-за мяжы. А. М. Булыку добра ведаюць у “ГДУ імя Ф. Скарыны”  не толькі як вучонага-лінгвіста, але і як сябра кафедры беларускай мовы, памятаюць як члена былога на філалагічным факультэце Савета па абароне кандыдацкіх дысертацый на працягу ўсяго існавання Савета, апанента дысертацыйных даследаванняў асобных нашых выкладчыкаў.

Ад імя супрацоўнікаў і студэнтаў Гомельскага дзяржаўнага ўніверсітэта імя Францыска Скарыны вітальны адрас за подпісамі рэктара С.А. Хахомава і дэкана філалагічнага факультэта А.М. Палуян уручыла М.А. Булыку прафесар Ляшчынская В.А., перадала шчырыя пажаданні моцнага здароўя, творчых вынікаў у працы, якую юбіляр не спыняе, ад імя ўсіх членаў кафедры беларускай мовы, падкрэсліўшы заслугі і ролю А.М. Булыкі ў развіцці беларускага мовазнаўства па многіх яго напрамках, адзначыўшы выключную працаздольнасць, мэтавую накіраванасць у навуковых даследаваннях,  творчы запал, гумар і дасціпнасць.

Працягам урачыстасцей стала работа пленарнага пасяджэння канферэнцыі, дзе сярод іншых з дакладам выступіла прафесар В.А. Ляшчынская, а затым работа двух секцый – “Актуальныя пытанні гісторыка-лінгвістычных даследаванняў” і  “Надзённыя пытанні сучаснага беларускага мовазнаўства”. Завяршэннем работы канферэнцыі стаў аргнізаваны круглы стол “Аляксандр Мікалаевіч Булыка: асоба, вучоны, педагог”.