ПРОФЕССИОНАЛЬНАЯ ПРОГРАММА ПОВЫШЕНИЯ КВАЛИФИКАЦИИ

Подробности

Просмотров: 317

2 ноября 2021 года преподаватели  филологического факультета приступили  к занятиям на курсах повышения  квалификации по программе «Преподавание  русского языка как иностранного  в аспекте лингвокультурологического подхода» на базе  ФГБОУВО «Тамбовский государственный университет имени Г.Р. Державина» (Россия).

Основной целью программы является формирование у слушателей компетенций, необходимых для профессиональной деятельности в сфере преподавания русского языка как иностранного в аспекте лингвокультурологии.

Абласная навукова-практычная канферэнцыя "Пошук": секцыя "Лінгвістыка (беларуская мова)"

Подробности

Просмотров: 310

30.10.2021 праходзіў выніковы этап гомельскай абласной навукова-практычнай канферэнцыі вучняў “Пошук”. Праца секцыі “Лінгвістыка (беларуская мова)” праходзіла на базе УА “Гомельскі абласны інстытут развіцця адукацыі”. Папярэдне членамі экспертнай камісіі – дацэнтамі кафедры беларускай мовы Воінавай А.М. і Шведавай З.У. былі вызначаны 12 лепшых навуковых работ, улічвалася актуальнасць тэмы, пастаноўка мэты і задач работы, іх дасягненне і практычная значнасць, крэатыў у падыходзе да відэапрадстаўлення работы. 30 кастрычніка адбылася анлайн-дыскусія з вучнямі вызначаных работ, якая паказала, што вучні зацікаўлены навуковай работай, валодаюць матэрыялам і здольныя прадаўжаць работу ў вызначаным накірунку.

Да прафесійнага свята!

Подробности

Просмотров: 330

Традыцыйна ў першую нядзелю кастрычніка ў нашай краіне адзначаюць сваё прафесійнае свята прадстаўнікі сферы адукацыі. Мы ўсе праходзім свае ўніверсітэты, і на жыццёвым шляху кожнага сустракаюцца такія настаўнікі, якіх мы і клічам Настаўнікамі з вялікай літары, на якіх мы раўняемся, мудрыя парады якіх слухаем.

Усім выкладчыкам у гэта прафесійнае свята хочацца пажадаць у першую чаргу здароўя, бо менавіта гэты рэсурс можа апынуцца вычарпальным у настаўніка. Натхненне ж, энтузіязм, задавальненне ад працы - усе гэтыя рэсурсы ў сапраўдных настаўнікаў невычарпальныя. Жадаем празмернага цярпення, штодзённага натхнення, арыгінальных задумак у навучанні, шчырасці, пазітыўнага настрою, добрых студэнтаў. Хай праца ўзнагароджвае толькі каласальным задавальненнем!

         Урачысты сход, прысвечаны Дню настаўніка, прайшоў 30 верасня ў Мінску ў Палацы Рэспублікі. У якасці запрошаных ад філалагічнага факультэта нашага ўніверсітэта былі д.ф.н. прафесар В.А. Ляшчынская, к.ф.н. дацэнты Л.В. Паплаўная і З.У. Шведава.

На ўрачыстым канцэрце, прысвечаным Дню настаўніка, прагучала віншаванне кіраўніка дзяржавы, якое зачытаў прэм’ер-міністр Раман Галоўчанка, адзначыўшы значнасць гэтага свята. Канцэрт нікога не пакінуў абыякавым. Усе гледачы атрымалі станоўчыя эмоцыі і зарадзіліся добрым настроем.

Лепшых прадстаўнікоў гэтай прафесіі, сярод якіх былі і тры лепшыя прадстаўнікі нашага ўніверсітэта – прафесар кафедры беларускай мовы В.А. Ляшчынская, прафесар кафедры тэорыі і методыкі фізічнай культуры Г.І. Нарскін і дацэнт кафедры тэарэтычнай фізікі В.М. Капшай, віншаваў і ўручаў узнагароды прэм’ер-міністр нашай краіны Раман Галоўчанка.

Вольга Аляксееўна Ляшчынская – сапраўдны Настаўнік з вялікай літары – заслужана ўзнагароджана медалём “За працоўныя заслугі”. У гэтым годзе спаўняецца 50 гадоў, як беларуская навука займела верную і ўдзячную дачку, якая ўвесь гэты час клапатліва працавала ў імя сваёй маці, спрыяла развіццю і дабрабыту айчыннай філалогіі! Спецыяліст у галіне словаўтварэння, вядомы лексіколаг і майстар слоўнікавай справы, тэарэтык і практык беларускай фразеалогіі і фразеаграфіі, эксперт па пытаннях культуры мовы і стылістыкі, даследчык лінгвакультуралогіі  і лінгвадыдактыкі – гэта не армія мовазнаўцаў, а грані навуковага таленту аднаго чалавека, грані, якімі ВольгаАляксееўна заззяла ў святле беларускай лінгвістыкі. Вольгу Аляксееўну добра ведаюць ва ўсёй Беларусі і за яе межамі як выдатнага метадыста, аўтара больш за 450 публікацый, з якіх толькі 8 манаграфій, шматлікія вучэбныя дапаможнікі і інш. Гэта абаяльная, элегантная жанчына, добрая і клапатлівая маці і бабуля, добразычлівы і цікавы выкладчык...

Ад усёй душы калектыў выкладчыкаў і студэнтаў філалагічнага факультэта віншуе Вольгу Аляксееўну з заслужанай узнагародай, ганарыцца яе дасягненнямі і жадае ёй моцнага здароўя, творчага натхнення і як мага больш светлага і радаснага ў жыцці!

Прафарыентацыйная сустрэча прадстаўнікоў філалагічнага факультэта

Подробности

Просмотров: 364

22.09.2021 адбылася прафарыентацыйная сустрэча прадстаўнікоў філалагічнага факультэта ў асобах адказнага на факультэце за прафарыентацыйную работу З.У. Шведавай і студэнткі 3 курса спец. “Беларуская філалогія” Таццяны Піменёнкавай з вучнямі 11-х класаў ДУА “Гімназія №10 г.Гомеля” і ДУА “Гімназія №36 г.Гомеля імя І.П. Мележа” на базе УА “Гомельскі дзяржаўны цэнтр № 2 дапрызыўнай падрыхтоўкі”.

Подробнее: Прафарыентацыйная сустрэча прадстаўнікоў філалагічнага факультэта