Першакурснікі спецыяльнасці “Камп'ютэрная фізіка” пад час экскурсіі наведалі бібліятэку нашага універсітэта.
Студэнты пазнаёміліся з магчымасцямі і структурай бібліятэчнай сістэмы нашага універсітэту, а так сама даведаліся пра розныя сучасныя спосабы пошуку разнастайнай інфармацыі.
Супрацоўнікі бібліятэкі зладзілі для нас захапляльныя агледзіны рарытэтных старадрукаў XIX-XX ст. якія дасюль чакаюць свайго чытача. Заўсёды прыемна патрымаць у рукох падручнік па вышэйшай матэматыцы аўтарства самога Лорэнца, які выйшаў у свет у далёкім 1908 годзе, ці пагартаць энцыклапедыю XIX стагоддзя.
З цікаўнасьцю наведалі аддзел, дзе адбываецца камплектацыя бібліятэчнага фонду і акурат зараз апрацоўваюцца новыя кнігі па праграмаванню, якія хутка будуць даступныя на абанеменце.
На ўласныя вочы моладзь пабачыла арыгінальныя творы Францішка Скарыны – шмат томнае факсымільнае паравыданне поўнага збору твораў нашага першадрукара, прымеркаванае да 500-годдзя скарынаўскай беларускай Бібліі – каштоўны падарунак універсітэту ад Нацыянальнай Бібліятэкі Беларусі.
Шчыра дзякуем супрацоўнікам бібліятэкі за цікавую экскурсію!
Куратар гр. КФ-17, Бабіч К.С.