У чытальнай зале галоўнага корпуса прайшла прэзентацыя чарговай кнігі д.ф.н., прафесара, лаўрэата Прэміі Прэзідэнта РБ за работу з таленавітай моладзю, прэміі НАН Беларусі за лепшае навуковае даследаванне ў галіне гуманітарных навук, члена-карэспандэнта Міжнароднай акадэміі навук Еўразіі Івана Штэйнера “Валадар над усім: канцэпт голаду ў беларускай і сусветнай літаратуры”. У кнізе па-навуковаму прааналізавана і па-мастацку паказана ўвасабленне аднаго з самых галоўных пачуццяў жывых істот – голаду – у сусветнай мастацкай традыцыі, пачынаючы ад Бібліі і да нашых дзён. У прэзентацыі прынялі ўдзел як гуманітарыі (філолагі, бібліятэкары, багасловы, філосафы, настаўнікі, журналісты, пісьменнікі), так і вядомыя прадстаўнікі прыродазнаўчых навук. | ||||||||||