|
  |
 |
RSS |
|
Некалькі слоў пра Дзеяслоў
|
13.02.2015 |
11 лютага на філалагічны факультэт завіталі супрацоўнікі рэдакцыі часопіса “Дзеяслоў” з прэзентацыяй яго 73-га выпуска. Мінскія госці расказалі слухачам пра творчыя поспехі выдання і з цікавасцю адказалі на пытанні студэнтаў і выкладчыкаў.
У вітальным слове галоўны рэдактар часопіса Барыс Сачанка распавёў пра ранейшыя выпускі “Дзеяслова” і змены ў новых нумарах выдання. “У нас друкуюцца лепшыя сучасныя беларускія літаратары. Мы таксама рады і пачынаючым талентам”, – адзначыў Барыс Пятровіч. Ён заклікаў студэнтаў не быць занадта сціплымі і дасылаць свае творчыя спробы на пошту рэдакцыі.
Стыль-рэдактар “Дзеяслова”, знакаміты беларускі пісьменнік Андрэй Федарэнка, адразу ж прызваў аудыторыю актыўна задаваць пытанні, каб атрымалася жывая і цікавая гутарка. Спадар Федарэнка расказаў пра сваю творчую дзейнасць, успомніў творы, якія пісаў у перыяд юнацкага кахання, заклікаў студэнтаў таксама пісаць пра гэтае пачуццё.
Намеснік галоўнага рэдактара Алесь Пашкевіч прачытаў вершы, а пасля ўзгадаў свае студэнцкія гады. Ва ўспамінах яго падтрымаў малады пісьменнік Усевалад Сцебурака.
Напрыканцы бяседы Барыс Сачанка і Андрэй Федарэнка адказалі на пытанні аўдыторыі, падаравалі кафедры беларускай літаратуры некалькі нумараў “Дзеяслова”. Задаволеныя цёплай і жывой сустрэчай, студэнты атрымалі у падарунак аўтографы гасцей. А тыя ў сваю чаргу пажадалі слухачам сонца, радасці і усмешак, паабяцалі прыехаць яшчэ не раз.
Фота У. Чысціка
|
|
(0232) 60-73-71, факс 57-81-11 | 
| 