1 кастрычніка 1930 года ў Гомелі быў адкрыты аграпедагагічны інстытут Наркамата асветы БССР з двухгадовым тэрмінам навучання. У склад інстытута ўваходзілі два аддзяленні:

• фізіка-тэхнічнае (выпускнікі гэтага аддзялення выкладалі і матэматыку);
• хіміка-біялагічнае.

Першы набор склаў 100 чалавек, з якіх палова паступіла на фізіка-тэхнічнае аддзяленне. Асобы з сярэдняй адукацыяй прымаліся без уступных экзаменаў. Заняткі пачаліся 2 кастрычніка 1930 года. Інстытут размяшчаўся ў розных памяшканнях, фізіка-тэхнічнае аддзяленне знаходзілася ў памяшканні на вуліцы Ланге.

Першы выпуск адбыўся ў 1932 годзе, а ў 1933 годзе інстытут быў рэарганізаваны і створаны Гомельскі педагагічны інстытут з чатырохгадовым тэрмінам навучання, у складзе якога і ўтварыўся фізіка-матэматычны факультэт. Спачатку гэтым факультэтам кіраваў Аляхновіч Я.С., а затым да 1936 года факультэт узначальваў Штэрн А.А., з кастрычніка 1936 года кіраўніцтва факультэтам было ўскладзена на Глатэнка В.Д., які практычна нязменна заставаўся на гэтай пасадзе да 1963 года.

1 мая 1969 года Гомельскі дзяржаўны педагагічны інстытут быў ператвораны ў Гомельскі дзяржаўны ўніверсітэт. На базе фізіка-матэматычнага факультэта педінстытута створаны фізічны і механіка-матэматычны факультэты. Сярод першых выпускнікоў механіка-матэматычнага факультэта нашы выкладчыкі: доктар фізіка-матэматычных навук, прафесар Селькін М.В. і кандыдат фізіка-матэматычных навук, дацэнт Харламава В.І. У далейшым многія выпускнікі Гомельскага ўніверсітэта сталі кандыдатамі і дактарамі навук. У верасні 1977 года механіка-матэматычны факультэт быў перайменаваны ў матэматычны факультэт.

На факультэце навучаецца 620 студэнтаў, 75 магістрантаў і 37 аспірантаў.

Вучэбна-выхаваўчы працэс ажыццяўляе 71 выкладчык: 48 - кандыдаты навук, дацэнты, 12 - дактары навук, прафесары.

• «Інфарматыка і тэхналогіі праграмавання». Кваліфікацыя: Інжынер-сістэмны праграміст.
• «Праграмнае забеспячэнне інфармацыйных тэхналогій». Кваліфікацыя: Інжынер-праграміст.
• «Эканамічная кібернетыка (матэматычныя метады і камп'ютарнае мадэляванне ў эканоміцы)». Кваліфікацыя: Матэматык-эканаміст.
• «Прыкладная матэматыка (навукова-вытворчая дзейнасць) ». Кваліфікацыя: Матэматык-праграміст.
• «Прыкладная матэматыка (навукова-педагагічная дзейнасць)". Кваліфікацыя: Матэматык-праграміст. Выкладчык матэматыкі і інфарматыкі.
• «Матэматыка (навукова-педагагічная дзейнасць)». Кваліфікацыя: Матэматык. Выкладчык матэматыкі і інфарматыкі.

• 01.01.01 Рэчыўны, комплексны і функцыянальны аналіз
• 01.01.06 Матэматычная логіка, алгебра і тэорыя лікаў
• 05.13.18 Матэматычнае мадэляванне, лікавыя метады і комплексы праграм
• 05.13.15 Вылічальныя машыны, комплексы і камп'ютарныя сеткі.

• 1-31 03 01-02 «Матэматыка (навукова-педагагічная дзейнасць)» са спецыялізацыямі «Алгебра і тэорыя лікаў», «Дыферэнцыяльныя ўраўненні», «Матэматычны аналіз», «Тэорыя імавернасцей і матэматычная статыстыка», «Матэматычная інфарматыка»
• 1-31 03 03/01 "Прыкладная матэматыка (навукова-вытворчая дзейнасць) » са спецыялізацыямі «Матэматычнае і праграмнае забеспячэнне вылічальных машын і сістэм», «Даследаванне аперацый і сістэмны аналіз»
• 1-31 03 03-02 «Прыкладная матэматыка» (навукова-педагагічная дзейнасць) са спецыялізацыямі «Лікавыя метады», «Аптымізацыя і аптымальнае кіраванне»
• 1-40 01 01 «Праграмнае забеспячэнне інфармацыйных тэхналогій» са спецыялізацыямі «Вэб-тэхналогіі і праграмнае забеспячэнне мабільных сістэм», «Базы дадзеных і праграмнае забеспячэнне інфармацыйных сістэм»
• 1-31 03 06-01 «Эканамічная кібернетыка (матэматычныя метады і камп'ютарнае мадэляванне ў эканоміцы)» са спецыялізацыяй «Эканамічнае мадэляванне, аналіз і прагназаванне»

У 2016-2020 гг. на факультэце будуць праводзіцца фундаментальныя, пошукавыя і прыкладныя даследаванні па наступных напрамках, якія адпавядаюць профілю выпускаемых спецыялістаў і сфарміраваны на падставе Пералiку прыярытэтных напрамкаў фундаментальных і прыкладных навуковых даследаванняў Рэспублікі Беларусь на 2016-2020 гады:

1. Матэматычнае і камп'ютарнае мадэляванне фізіка-тэхнічных сістэм.

Распрацоўка метадаў разліку напружана-дэфармаванага стану слаістай канструкцыі з новых арміраваных палімераў на базе новых інфармацыйных тэхналогій.

Распрацоўка метадаў мадэлявання надзейнасці, прапускной здольнасці, эфектыўнасці структурна-складаных сістэм, матэматычныя мадэлі і алгарытмы функцыянавання сістэм кіравання тэхналагічнымі працэсамі вытворчасці з элементамі патэнцыяльнай небяспекі.

2. Імавернасна-статыстычныя метады ў эканоміцы, фінансах і масавым абслугоўванні, сетцы масавага абслугоўвання.

3. Сучасная алгебра і яе прымяненне ў навуцы і адукацыі.

• «EPAM Systems»
• «IBA»
• «Exadel»
• «ApCelp»
• «Канструктарскае бюро сістэмнага праграмавання»
• «Беларуснафта»,«Гарант» і інш.