Гістарычная даведка
Факультэт вядзе сваю гісторыю з 1993 года, калі на філалагічным факультэце было адкрыта аддзяленне замежных моў, ператворанае з 1 ліпеня 1998 года ў самастойны факультэт. Да 2016 года дэканам факультэта з’яўлялася Баннікава Л.С., кандыдат педагагічных навук, дацэнт. З верасня 2016 года дэканам факультэта назначана Сажына А.У., кандыдат філалагічных навук, дацэнт.
Факультэт сёння
Навучанне замежным мовам ажыццяўляецца ў межах асобаснага камунікатыўна-арыентаванага падыходу.
Шырока выкарыстоўваюцца:
- праектная методыка;
- навучанне ў супрацоўніцтве;
- праблемныя заданні.
Выкладчыкамі выкарыстоўваюцца навейшыя тэхналогіі і метады правядзення практычных і лекцыйных заняткаў. Факультэт валодае сучаснымі камп’ютарнымі класамі, фона- і відэатэкамі па вывучаемых замежных мовах.
Факультэт падтрымлівае навуковыя і навучальныя сувязі з аддзеламі па культуры пасольстваў Вялікабрытаніі, Германіі, ЗША і Францыі, з дапамогай якіх студэнты і выкладчыкі факультэта ўдзельнічаюць у шматлікіх праграмах абмену.
У факультэта ўсталявалася творчае супрацоўніцтва з Нежынскім дзяржаўным універсітэтам імя М.В. Гогаля, Чарнігаўскім дзяржаўным універсітэтам, Маскоўскім гарадскім педагагічным універсітэтам, Маскоўскім дзяржаўным абласным універсітэтам, Расійскім універсітэтам дружбы народаў.
У 2017-2018 навучальным годзе на факультэце навучаецца каля 600 чалавек.
Вучэбна-выхаваўчы працэс ажыццяўляюць 96 выкладчыкаў, у тым ліку: 9 кандыдатаў навук, 2 доктары навук, 2 прафесары.
Спецыяльнасці
Факультэт аб’ядноўвае студэнтаў, якія вырашылі звязаць сваё жыццё з вывучэннем асноўных еўрапейскіх моў: англійскай, нямецкай і французскай. Кафедры факультэта рыхтуюць выкладчыкаў, якія валодаюць як тэарэтычнымі, так і лінгвістычнымі ведамі і практычнымі метадычнымі ўменнямі.
Форма і тэрмін навучання – вочная (4 гады), завочная (5 гадоў).
Факультэт рыхтуе выкладчыкаў замежных моў. Падрыхтоўка вядзецца па наступных спецыяльнасцях:
- 1-02 03 06 Замежныя мовы (англійская. нямецкая), (англійская. французская)
- 1-02 03 06 Замежныя мовы (нямецкая, англійская)
- 1-02 03 08 Замежныя мовы (англійская)
На факультэце вядзецца падрыхтоўка магістраў па спецыяльнасці 1-21 80 03 – «Германскія мовы». Выпускнікам прысвойваецца акадэмічная ступень «Магістр філалагічных навук».
Форма навучання – вочная. Тэрмін навучання – 1 год.
Навуковыя напрамкі
На факультэце вядзецца навукова-даследчая праца ў галіне лексікалогіі і гісторыі германскіх моў, культуры вымаўлення, інфармацыйных і інтэрактыўных тэхналогій навучання замежным мовам. Вынікі навуковых даследаванняў штомесяц агучваюцца выкладчыкамі на пасяджэннях міжкафедральнага навуковага семінара “Актуальныя праблемы лінгвістыкі і методыкі выкладання замежных моў”, а таксама публікуюцца ў факультэцкім зборніку навуковых артыкулаў “Пытанні лінгвістыкі і методыкі выкладання замежных моў”.
Штогод на факультэце праводзіцца міжнародная навуковая канферэнцыя “Актуальныя праблемы рамана-германскай філалогіі і методыкі выкладання замежных моў”, у якой бяруць актыўны ўдзел прадстаўнікі вядучых вышэйшых навучальных устаноў Расіі, Украіны, Беларусі