Кантакты Адрас: Рэспубліка Беларусь, г. Гомель, вул. Кірава, 119, каб. 3-16 Тэлефон: +375-232-60-40-60 E-mail: hist-fac@gsu.by Сайт факультэта: http://history.gsu.by
E-mail: nmezga@gsu.by Адрас: Рэспубліка Беларусь, г. Гомель, вул. Кірава, 119, каб. 3-16 Кафедры Кафедра гісторыі Беларусі Кафедра ўсеагульнай гісторыі Кафедра гісторыі славян і спецыяльных гістарычных дысцыплін Кафедра філасофіі Гістарычная даведка Упершыню падрыхтоўка спецыялістаў-гісторыкаў у нашым універсітэце пачалася ў 1944 г., калі пасля вызвалення Гомеля былі адноўлены заняткі ў Гомельскім педінстытуце ім. В.П. Чкалава. Тады ўпершыню быў створаны гістарычны факультэт. У 1948 г. адбыўся першы выпуск гістарычнага факультэта. Пасля выпуску 1956 г. падрыхтоўка гісторыкаў у нашым універсітэце прыпынілася. У 1969 г. у сувязі з пераўтварэннем педінстытута ў Гомельскі дзяржаўны ўніверсітэт, у рамках гісторыка-філалагічнага факультэта было створана гістарычнае аддзяленне і аднавілася падрыхтоўка гісторыкаў. Як самастойны факультэт ён пачаў функцыянаваць з 1988 г. У 1991 годзе на факультэце было створана юрыдычнае аддзяленне, пачалася падрыхтоўка гісторыкаў з дадатковай спецыяльнасцю «Замежная мова». У 1992 годзе была створана кафедра гісторыі Беларусі, факультэт быў перайменаваны ў гісторыка-юрыдычны, а з ліпеня 1998 г. падзелены на два самастойныя факультэты – гістарычны і юрыдычны. У 2004 годзе ў склад факультэта была ўключана кафедра філасофіі. За час існавання факультэта было падрыхтавана па дзённай і завочнай формах навучання каля 3000 спецыялістаў, якія працуюць у сферы адукацыі, у музеях, архівах, ВНУ, НДІ, грамадскіх арганізацыях і органах кіравання горада, вобласці, рэспублікі, прадпрымальніцкіх структурах. Факультэт сёння На сённяшні дзень у структуры факультэта працуе чатыры кафедры: гісторыі Беларусі, усеагульнай гісторыі, гісторыі славян і спецыяльных гістарычных дысцыплін, філасофіі. Навучальны працэс забяспечваюць спецыялісты высокай кваліфікацыі, 2/3 з якіх маюць навуковую ступень. Навучанне на факультэце вядзецца па трох спецыяльнасцях: «Гісторыя (айчынная і ўсеагульная)», «Музейная справа і ахова гісторыка-культурнай спадчыны (па напрамках)», «Гісторыя. Англійская мова» (па гэтай спецыяльнасці апошні набор быў ажыццёўлены ў 2012 г.). У рамках спецыяльнасці «Музейная справа і ахова гісторыка-культурнай спадчыны (па напрамках)» рыхтуюцца спецыялісты двух профіляў. Па-першае, кірунак «Музейная справа і ахова гісторыка-культурнай спадчыны (гісторыя і музеялогія)» з прысваеннем кваліфікацыі «Гісторык-музеёлаг. Выкладчык». Па-другое, «Музейная справа і ахова гісторыка-культурнай спадчыны (культурная спадчына і турызм)» з прысваеннем кваліфікацыі «Менеджар па культурнай спадчыне і турызму». Неад'емнай часткай вучэбна-выхаваўчага працэсу на факультэце сталі актыўныя даследаванні студэнтаў пад кіраўніцтвам высокакваліфікаваных выкладчыкаў у галіне археалогіі, этнаграфіі, краязнаўства, гісторыі Гомельшчыны, палітычных партый і рухаў Беларусі, найноўшай гісторыі Германіі і Польшчы, па праблемах заканамернасцей гуманізацыі грамадскіх адносін, месца моладзі ў сучасным грамадстве. Кожны трэці студэнт факультэта - актыўны ўдзельнік НДРС. Актыўная навукова-даследчая работа вядзецца ў рамках студэнцкіх навуковых лабараторый, якіх на факультэце пяць. Шмат увагі надаецца практычнай падрыхтоўцы студэнтаў. На факультэце праводзяцца практыкі: педагагічная, археолага-этнаграфічная, музейная (азнаямленчая), музейная (экскурсійна-фондавая), эўрыстычная (пошукавая), менеджарская. Базай для правядзення практык служаць школы, гімназіі, бібліятэкі, музеі г. Гомеля, архівы Гомельскай вобласці, камп’ютарныя класы ўніверсітэта, прадпрыемствы турыстычнай сферы. Археалагічная практыка праводзіцца ў палявых умовах. З 2005 г. на факультэце вядзецца навучанне студэнтаў па праграме магістарскай падрыхтоўкі па дзвюх спецыяльнасцях: «Айчынная гісторыя» і «Усеагульная гісторыя». Студэнты факультэта прымаюць актыўны ўдзел у грамадскім, культурна-масавым і спартыўным жыцці ўніверсітэта. На факультэце навучаецца 287 студэнтаў, працуе 35 выкладчыкаў. Спецыяльнасці
У 2017 годзе будзе ажыццяўляцца набор на спецыяльнасці: І ступень вышэйшай адукацыі:
Па ўсіх пералічаных спецыяльнасцях набор ажыццяўляецца як на дзённую, так і на завочную форму навучання. Спецыялізацыі
На спецыяльнасці «Гісторыя (айчынная і ўсеагульная)» навучанне праводзіцца па дзвюх спецыялізацыях:
Навуковыя напрамкі
Асноўнымі напрамкамі навуковых даследаванняў кафедры гісторыі Беларусі з'яўляюцца:
Абитуриенту | ||||
|