Кантакты Адрас: 246019, Рэспубліка Беларусь, г. Гомель, вул. Савецкая, 102, кабінет 2-9 Тэлефон: +375-232-57-75-20 E-mail: phys_dec@gsu.by Сайт факультэта: http://gsu.by/physfac/
E-mail: dkov@gsu.by Адрас: 246019, Рэспубліка Беларусь, г. Гомель, вул. Савецкая, 102, кабінет 2-9 Кафедры Кафедра оптыкі Кафедра тэарэтычнай фізікі Кафедра агульнай фізікі Кафедра радыёфізікі Кафедра аўтаматызаваных сістэм апрацоўкі інфармацыі Гістарычная даведка Фізічны факультэт – старэйшы ва ўніверсітэце – вядзе свой радавод ад фізіка-матэматычнага аддзялення аграпедінстытута, заснаванага ў 1929 г. У 1969 годзе фізічны факультэт становіцца структурным падраздзяленнем Гомельскага дзяржаўнага ўніверсітэта. Старэйшай на факультэце з’яўляецца кафедра агульнай фізікі, якая стала асновай для стварэння ўсяго факультэта. Кафедра тэарэтычнай фізікі была адкрыта ў 1964 годзе. Гісторыя кафедры радыёфізікі і электронікі пачалася з утварэння ў 1969 годзе спецыялізацыі “Радыёфізіка” пры кафедры тэарэтычнай фізікі. У 1972 годзе на базе гэтай спецыялізацыі была ўтворана самастойная кафедра. Кафедра оптыкі была арганізавана акадэмікам АН Беларусі Б.В. Бокуцем у 1974 годзе. Кафедра “Аўтаматызаваныя сістэмы апрацоўкі інфармацыі” – самая маладая на факультэце. У 1988 г. кафедра ТСНЭІ эканамічнага факультэта была рэарганізавана і на фізічным факультэце адкрыта кафедра АСАІ. Факультэт сёння Асноўныя сферы дзейнасці выпускнікоў факультэта – гэта адукацыя, навука, інфармацыйныя тэхналогіі, вытворчасць паўправадніковых прыбораў, інтэгральных схем, мікра - і нанапамерных сістэм, распрацоўка новых тэхналогій і матэрыялаў, камп’ютарнае мадэляванне і аналіз тэхналагічных працэсаў, арганізацыя і кіраванне тэхналагічнымі працэсамі (вытворчасцямі). Выпускнікоў размяркоўваюць на працу ў вядучыя IT-кампаніі (ЗТАА «ЭПАМ Сістэмз», ТАА «ГБСофт», ААА «ІВА-Гомель-Парк», ТАА «Інтэрвэйл-Гомель»), у вышэйшыя навучальныя ўстановы і навукова-даследчыя інстытуты нашага рэгіёна (УА «Гомельскі дзяржаўны медыцынскі ўніверсітэт», УА «ГДУ імя Ф. Скарыны», УА «ГДТУ імя П. В. Сухога», ДНУ «Інстытут механікі металапалімерных сістэм імя У.А. Белага Нацыянальнай акадэміі навук Беларусі»), на буйныя прамысловыя прадпрыемствы нашай рэспублікі (ААТ «ІНТЭГРАЛ», ААТ «Беларускі металургічны завод» – кіруючая кампанія холдынга «Беларуская металургічная кампанія», ААТ «Гомсельмаш», ААТ «Мазырскі нафтаперапрацоўчы завод»), а таксама ў раённыя аддзелы адукацыі Гомельскай вобласці. На факультэце развіваюцца цесныя сувязі з вядучымі прадпрыемствамі гомельскага рэгіёна і Рэспублікі Беларусь. На сённяшні дзень у пяці кафедр фізічнага факультэта адкрыта сем філіялаў на прадпрыемствах:
Вучэбныя лабараторыі факультэта аснашчаны сучасным навукаёмістым абсталяваннем, якое рэгулярна абнаўляецца. Выпускнікамі фізічнага факультэта з’яўляюцца 3 члены-карэспандэнты НАН Беларусі, 4 рэктары вышэйшых навучальных устаноў, 1 дырэктар НДІ ў складзе НАН Беларусі, 8 прарэктараў вышэйшых навучальных устаноў, 27 дактароў навук, кіраўнікі і вядучыя спецыялісты розных прадпрыемстваў, дырэктары школ і буйныя бізнесмены. Штогод лепшыя студэнты фізічнага факультэта становяцца ўладальнікамі дыпломаў з адзнакай. Распрацаваны сумесныя агульнаадукацыйныя праграмы для магістраў з наступнымі адукацыйнымі ўстановамі:
Студэнты, магістранты, аспіранты і супрацоўнікі фізічнага факультэта маюць магчымасць праходзіць навуковыя стажыроўкі ў розных вядучых міжнародных навуковых цэнтрах:
Акрамя дагавораў аб супрацоўніцтве, факультэт удзельнічае ў міжнародных адукацыйных і навуковых праграмах:
Для пашырэння кругагляду студэнтаў і магістрантаў фізічнага факультэта і знаёмства з сусветнымі тэндэнцыямі развіцця навукі на факультэт для чытання лекцый рэгулярна запрашаюцца вядучыя навукоўцы з вышэйшых навучальных устаноў і навуковых цэнтраў далёкага замежжа. На фізічным факультэце працуюць 67 выкладчыкаў, з іх навуковую ступень маюць 39 чалавек (дактароў навук – 10 чалавек, кандыдатаў навук – 29 чалавек). На факультэце навучаецца больш за 600 студэнтаў. Спецыяльнасці
На факультэце ажыццяўляецца навучанне студэнтаў па спецыяльнасцях:
Спецыялізацыі У межах спецыяльнасці «Фізіка» вядзецца падрыхтоўка студэнтаў па чатырох спецыялізацыях: «Камп’ютарнае мадэляванне фізічных працэсаў» (дае магчымасць вырашаць любыя практычныя задачы фундаментальнай навукі і тэхнікі, абапіраючыся на ўніверсальную падрыхтоўку ў галіне фізікі і праграмавання), «Новыя матэрыялы і тэхналогіі» (найбольш перспектыўная спецыялізацыя для атрымання паўнавартаснай інжынерна-фізічнай адукацыі, дзякуючы якой Вы зможаце быць актыўным выканаўцам навукова-вытворчых задач, якія вырашаюцца з выкарыстаннем інавацыйных высокапрадукцыйных тэхналогій), «Лазерная фізіка і спектраскапія» (месцам працы могуць стаць любыя сучасныя прадпрыемствы, на якіх прымяняецца лазерная і вакуумная тэхніка, навукова-даследчыя або завoдскія лабараторыі), «Фізічная метралогія і аўтаматызацыя эксперыменту» (ажыццяўляецца падрыхтоўка фізікаў-метролагаў (метролаг ведае дзяржаўную сістэму забеспячэння адзінства вымярэнняў, асновы стандартызацыі і сертыфікацыі прадукцыі, метады праверкі і каліброўкі сродкаў вымярэнняў)). Па заканчэнні курса навучання студэнтам у залежнасці ад напрамку іх падрыхтоўкі прысвойваецца кваліфікацыя «Фізік. Інжынер», «Фізік. Выкладчык фізікі і інфарматыкі». У межах спецыяльнасці «Фізічная электроніка» са спецыялізацыяй «Медыцынская электроніка» вядзецца падрыхтоўка спецыялістаў па распрацоўцы, эксплуатацыі і абслугоўванні складанага медыцынскага абсталявання. Па заканчэнні навучання прысвойваецца кваліфікацыя «Фізік-інжынер». На кафедры АСАІ навучаюць студэнтаў спецыяльнасці «Аўтаматызаваныя сістэмы апрацоўкі інфармацыі» са спецыялізацыяй «Аўтаматызаваныя сістэмы апрацоўкі і адлюстравання інфармацыі» або «Карпаратыўныя сеткі і сістэмы». Па заканчэнні навучання прысвойваецца кваліфікацыя «Інжынер па інфармацыйных тэхналогіях». Навуковыя напрамкі Асноўнымі формамі навуковай дзейнасці фізічнага факультэта з’яўляюцца: выкананне фундаментальных і прыкладных навукова-даследчых работ; арганізацыя і правядзенне навуковых канферэнцый і семінараў; падрыхтоўка кадраў вышэйшай навуковай кваліфікацыі; арганізацыя і кіраўніцтва студэнцкай навукай; выставачная і інфармацыйная дзейнасць па прапагандзе дасягненняў навукі праз сродкі інфармацыі; вынаходніцтва і рацыяналізатарства; выданне навуковай літаратуры (публікацыя манаграфій, артыкулаў, тэзісаў, часопісаў, зборнікаў). Факультэт праводзіць фундаментальныя і прыкладныя даследаванні па асноўных напрамках, якія адпавядаюць профілю выпускаемых спецыялістаў, з’яўляюцца прыярытэтнымі для Рэспублікі Беларусь і адначасова скіраваны на рашэнне надзённых праблем гомельскага рэгіёна:
Супрацоўнікі факультэта выконваюць даследаванні па дзяржбюджэтных тэмах Міністэрства адукацыі і Дзяржаўных праграмах фундаментальных і прыкладных даследаванняў, па гасдагаворнай тэматыцы, а таксама працы ў адпаведнасці з каардынацыйным планам НДР, якія выконваюцца ў Аб’яднаным Інстытуце Ядзерных Даследаванняў (г. Дубна, Расія) з удзелам арганізацый і ўстаноў Рэспублікі Беларусь. На факультэце працуюць навукова-даследчыя лабараторыі:
Абітурыенту Падчас навучання на фізічным факультэце Вы можаце прайсці курсы і атрымаць сертыфікаты міжнароднага ўзору:
Факультэт вядомы сваімі навуковымі сувязямі з універсітэтамі і інстытутамі Расіі, Украіны, Швецыі, Кітая, Фінляндыі, Японіі, Карэі, Польшчы, Славакіі, Румыніі, дзе праходзяць навуковыя стажыроўкі студэнты, аспіранты і выкладчыкі фізічнага факультэта ў рамках міжнародных праграм IANUS II-Inter-Academic Network Erasmus MundUS II, Inter-Academic, IAESTE, сумеснай агульнаадукацыйнай праграмы ГДУ імя Ф. Скарыны і ўніверсітэта ІТМО (Санкт-Пецярбург). | ||||
|