Кантакты
Адрас: 246019, Рэспубліка Беларусь, г. Гомель, вул. Савецкая, 98, вучэбны корпус № 8, каб. 51 Тэлефон: +375-232-73-90-98 E-mail: dovuz@gsu.by Сайт факультэта: http://gsu.by/fdpois/
E-mail: formation56@mail.ru Адрас: 246019, Рэспубліка Беларусь, г. Гомель, вул. Савецкая, 98, вучэбны корпус № 8, каб. 51 Кафедры Кафедра давузаўскай падрыхтоўкі і прафарыентацыі Гістарычная даведка Асновай факультэта давузаўскай падрыхтоўкі і навучання замежных студэнтаў стала падрыхтоўчае аддзяленне (далей – ПА). Афіцыйнай датай адкрыцця ПА лічыцца 13 лістапада 1969 г. Яго мэтай было павышэнне ўзроўню агульнаадукацыйнай падрыхтоўкі рабочай і сельскай моладзі і стварэння ёй неабходных умоў для паступлення ў вышэйшыя навучальныя ўстановы. Загадчыкам падрыхтоўчага аддзялення быў прызначаны дацэнт кафедры агульнай геалогіі Н. К. Бабкоў. У кастрычніку 1991 г. на базе ПА быў створаны факультэт давузаўскай падрыхтоўкі і прафарыентацыі. Яго ўзначаліў кандыдат фізіка-матэматычных навук дацэнт А. В. Гаўрылюк. З 1997 г. факультэт скарэктаваў сваю назву і стаў факультэтам псіхалогіі і давузаўскай падрыхтоўкі. Факультэтам у розныя гады кіравалі к. ф.н. дацэнт В. І. Яцухна; д. ф.-м. н. прафесар С. Ф. Каморнікаў; к. пс.н. дацэнт М.У. Гапановіч-Кайдалаў. 1 красавіка 2010 г. факультэт псіхалогіі і давузаўскай падрыхтоўкі быў падзелены на два: факультэт псіхалогіі і педагогікі і факультэт давузаўскай падрыхтоўкі і навучання замежных студэнтаў. З моманту рэарганізацыі і па сённяшні дзень факультэт давузаўскай падрыхтоўкі і навучання замежных студэнтаў узначальвае доктар фізіка-матэматычных навук дацэнт А. Ф. Васільеў. Факультэт сёння Галоўнай мэтай факультэта давузаўскай падрыхтоўкі і навучання замежных студэнтаў з’яўляецца садзейнічанне прафесійнаму вызначэнню абітурыентаў, арганізацыя і правядзенне іх якаснай падрыхтоўкі да цэнтралізаванага тэсціравання і навучання ў класічным універсітэце. Асноўныя звёны давузаўскай падрыхтоўкі -- падрыхтоўчае аддзяленне і падрыхтоўчыя курсы, што функцыянуюць на базе факультэта. У склад факультэта ўваходзіць кафедра давузаўскай падрыхтоўкі і прафарыентацыі, якая арганізуе педагагічную працу са слухачамі падрыхтоўчага аддзялення. Сістэматычнае правядзенне рэпетыцыйнага тэсціравання і цэнтралізаванага тэсціравання ажыццяўляе Цэнтр тэсціравання, які ўваходзіць у структуру факультэта. Адным з галоўных напрамкаў факультэта з'яўляецца вучэбная і выхаваўчая праца з замежнымі слухачамі з далёкага і блізкага замежжа, іх падрыхтоўка да навучання ў беларускіх вну. Факультэт з'яўляецца цэнтральным звяном універсітэта ў рабоце з замежнымі студэнтамі і ажыццяўляе арганізацыю і правядзенне заняткаў па рускай мове як замежнай.. У склад факультэта ўваходзяць навучальныя курсы «ГДУ-Профі», мэтай якіх з'яўляецца задавальненне пазнавальных запатрабаванняў слухачоў у пэўнай сферы прафесійнай дзейнасці ці галіне ведаў, укараненне інавацыйных тэхналогій навучання, павышэнне канкурэнтаздольнасці выпускнікоў універсітэта, персаніфікацыя працы па выбару індывідуальнай траекторыі ў адукацыйным ланцугу «абітурыент – студэнт – высокакваліфікаваны спецыяліст». Аснова прафесарска-выкладчыцкага складу факультэта – кафедра давузаўскай падрыхтоўкі і прафарыентацыі. Гэта таленавітыя і вопытныя выкладчыкі, адкрытыя да новых прагрэсіўных павеваў часу, якія пастаянна ўдасканальваюць свае методыкі навучання. Для дасягнення высокіх вынікаў на факультэце ажыццяўляюцца: сінтэз на адзінай навукова-метадычнай аснове вучэбных планаў і праграм, сучасных арыгінальных і правераных часам класічных методык па дысцыплінах падрыхтоўкі да ўступных выпрабаванняў; колькасны і якасны падбор навучальных груп; індывідуалізацыя навучання; разумнае прымяненне сучасных інфармацыйных тэхналогій у спалучэнні з класічнымі формамі навучання. На факультэце (падрыхтоўчае аддзяленне, падрыхтоўчыя курсы, навучальныя курсы «ГДУ-Профі») навучаецца больш чым 600 слухачоў. У 2016 г. у Цэнтры тэставання рэпетыцыйнае і цэнтралізаванае тэсціраванне прайшлі больш чым 27 тыс. абітурыентаў. Працуюць 13 штатных выкладчыкаў. Спецыяльнасці Прыём слухачоў на падрыхтоўчае аддзяленне і падрыхтоўчыя курсы факультэта давузаўскай падрыхтоўкі і навучання замежных студэнтаў ажыццяўляецца па ўсіх спецыяльнасцях, адкрытых ва ўстанове адукацыі «Гомельскі дзяржаўны ўніверсітэт імя Францыска Скарыны». Навучальныя курсы «ГДУ-Профі» арганізуюць доўгатэрміновыя адукацыйныя праграмы і кароткатэрміновыя курсы па замежных мовах, камп'ютэрных і сеткавых тэхналогіях (курсы IT), навучальныя праграмы для школьнікаў і настаўнікаў (падрыхтоўка да прадметных алімпіяд, арганізацыя даследчай работы для школьнікаў і для настаўнікаў). Спецыялізацыі
Навуковыя напрамкі Навукова-даследчая тэма факультэта на 2016 – 2020 гг. – «Кластарны падыход да арганізацыі даўніверсітэцкай падрыхтоўкі ў інфармацыйна-адукацыйнай сістэме «школа – універсітэт – прадпрыемства». Абітурыенту На падрыхтоўчае аддзяленне (ПА) факультэта давузаўскай падрыхтоўкі і навучання замежных студэнтаў УА «Гомельскі дзяржаўны ўніверсітэт імя Францыска Скарыны» прымаюцца асобы, якія маюць сярэднюю адукацыю і жадаюць паўнавартасна падрыхтавацца да цэнтралізаванага тэсціравання і навучання ў вну. Падрыхтоўка слухачоў ажыццяўляецца на дзённай і завочнай формах навучання. Час навучання – 8 месяцаў (з 1 кастрычніка па 31 траўня). Заняткі на дзённай форме навучання праводзяцца штодня, акрамя нядзелі, згодна з раскладам у аб'ёме 24 акадэмічных гадзін у тыдзень (3 прадметы па 8 гадзін). Заняткі на завочнай форме навучання праводзяцца па суботах. Структура вучэбнага плана ўключае рускую або беларускую мову і два профільныя прадметы. Слухачам падрыхтоўчага аддзялення таксама прадастаўляецца магчымасць вывучаць чацвёрты прадмет па сваім выбары. Педагагічную працу са слухачамі ПА арганізуе кафедра давузаўскай падрыхтоўкі і прафарыентацыі, выкладчыкі якой маюць шматгадовы эфектыўны вопыт работы і арыгінальныя навукова-метадычныя распрацоўкі па падрыхтоўцы да ўступных выпрабаванняў і навучання ва ўніверсітэце. Да працы са слухачамі ПА таксама прыцягваюцца выкладчыкі з іншых кафедраў універсітэта. Пры падрыхтоўцы слухачоў выкарыстоўваюцца сучасныя інфармацыйныя тэхналогіі, у прыватнасці, сістэма дыстанцыйнага навучання і тэставання (гл. http://tutor.gsu.by/). Навучанне на падрыхтоўчым аддзяленні платнае. | ||||
|